Солвіта Аболтыня

Солвіта Аболтыня (нарадзілася 19 лютага 1963 году ў Рызе, ЛатССР, зараз Латвія) — латвійская палітыкіня, юрыстка й правазнаўца, Маршалак Сойму Латвійскай рэспублікі ў 2010—2014 гадох, зь 2014 — дэпутатка ў складзе парлямэнцкай фракцыі Адзінства, лідэрка правацэнтрысцкай латвійскай партыі «Адзінства»^[1].

Солвіта Аболтыня
Solvita Āboltiņa
Маршалак Сойму Латвіі
2 лістапада 2010 — 4 лістапада 2014
Прэзыдэнт	Валдзіс Затлэрс Андрыс Бэрзіньш
Прэм’ер-міністар	Валдзіс Дамброўскіс Лаймдата Страўюма
Папярэднік	Гундарс Даўдзэ
Наступнік	Інара Мурніецэ
Асабістыя зьвесткі
Нарадзілася	19 лютага 1963 (62 гады) Рыга, ЛатССР
Партыя	Новы час (2002—2011) Адзінства (2011-2017)
Адукацыя	Латвійскі ўнівэрсытэт
Сужэнец	1
Дзеці	2
Узнагароды

Біяграфія

У 1981 годзе скончыла Рыскую сярэднюю школу №5. У 1986 годзе выпусьцілася зь юрыдычнага факультэта. Мае дачку і сына. Валодае латыскай, нямецкай, ангельскай і расейскай мовамі.

Палітычная кар’ера

З 1995 году працавала ў консульскім дэпартамэнце Міністэрства замежных справаў Латвійскай рэспублікі. У 2001 годзе далучылася да правай латвійскай партыі «Новы час». На парлямэнцкіх выбарах у 2002 годзе прайшла ў Сойм, але пазьней яна на нейкі час склала дэпутацкі мандат, пасколькі зь 2004 па 2006 год працавала міністрам юстыцыі Латвійскай рэспублікі. У 2006 годзе, на выбарах у Сойм, прайшла як кандыдат партыі «Новы час». У 2008 годзе ўзначаліла партыю. Пазьней, перад парлмэнцкімі выбарамі 2010 году ўзначаліла наваствораны палітычны блёк Адзінства, які створыўся зь некалькіх партыяў і на выбарах перамог, набраўшы больш за 30 %. Солвіта Аболтыня зьяўлялася сьпікерам Сойму 10-ага і 11-ага скліканьняў.

З 2018 году працуе амбасадаркай Латвіі ў Італіі, Албаніі, Сан-Марына і на Мальце.