Сумчатыя

Сумчатыя, торбачнікі^[1] (Marsupialia) — інфракляса сысуноў, члены якога распаўсюджаныя ў Аўстралазіі^{[прыбраць шаблён]}, Паўночнай і Паўднёвай Амэрыках.

Сумчатыя
Macropus giganteus
Клясыфікацыя
Царства	Жывёлы (Animalia)
Тып	Хордавыя (Chordata)
Падтып	Хрыбетныя (Vertebrata)
Надкляса	Чатырохногія (Tetrapoda)
Кляса	Сысуны (Mammalia)
Падкляса	Зьвяры (Theria)
Інфракляса	Сумчатыя
Бінамінальная намэнклятура
Marsupialia Illiger, 1811
Арэал
Сучаснае распаўсюджваньне сумчатых
Сумчатыя на Віківідах  Сумчатыя ў Вікісховішчы ITIS 179918

Распаўсюджанасьць і паводзіны

Сумчатыя распаўсюджаныя ў Аўстралазіі^{[прыбраць шаблён]}, Паўночнай і Паўднёвай Амэрыках; прадстаўнікі Peradectidae распаўсюдзіліся таксама ў Эўропе і Азіі ў кайназоі. Сумчатыя каланізавалі розныя асяроддзя пражываньня: лясы, лугі, горны рэльеф і пустыні. Многія віды жывуць на дрэвах. Толькі Chironectes minimus і, у меншай ступені, Lutreolina crassicaudata вядуць паўводны лад жыцьця. Сумчатыя могуць быць дзённыя і начныя, адзінкавыя і групавыя, аднак, іх сацыяльныя паводзіны даволі слаба развіты. Дыета таксама значна вар'іруецца — ёсць ярка выяўленыя траваедныя, таксама ўсяедныя і можна сустрэць мясаедных.

Вонкавы выгляд

Адметнай характарыстыкай, агульнай для большасьці відаў сумчатых, ёсьць тое, што маці носяць у мяшочку маладняк. Да добра вядомых сумчатых адносяць кенгуру, валабі, каалы, апасумы, вомбаты, тасманійскіх д'яблаў і вымерлы тылацын. Самы буйны жывы сумчаты, чырвоны кенгуру, вырастае да 1,8 метра ў вышыню і да 90 кілаграмаў у вазе, але вымерлы Diprotodon optatum быў да 3 м у даўжыню і да 2790 кілаграмаў у вазе. Самы маленькі від — гэта Pilbara ningaui, даўжыня якога складае ад 4,6 да 5,7 см, а вага — усяго ад 2 да 9 г.

Клясыфікацыя

Сумчатыя (Marsupialia) падзяляюцца на наступныя атрады:

• Didelphimorphia
• Paucituberculata
• Dasyuromorphia
• Diprotodontia
• Microbiotheria
• Notoryctemorphia
• Peramelemorphia
• † Yalkaparidon