Сухопаль (гміна)

Гмі́на Сухо́паль (па-польску: Gmina Suchopol) — вясковая гміна ў Палескім ваяводзтве Другой Рэчы Паспалітай. Сядзіба гміны — вёска Сухопаль^[1].

Гміна Сухопаль
Gmina Suchopol
Агульныя зьвесткі
Краіна	Польшча
Ваяводзтва	Палескае
Павет	Пружанскі
Статус	Гміна
Сядзіба	Сухопаль
Дата ўтварэньня	1921
Дата скасаваньня	1939
Дадатковыя мультымэдыйныя матэрыялы

З 12 сьнежня 1920 належала да навастворанага Белавескага павету пад Часовым кіраўніцтвам прыфрантавымі і этапавымі тэрыторыямі^[2]. 19 лютага 1921 року павет увайшоў у склад Беластоцкага ваяводзтва. Па скасаваньні Белавескага павету 1 жніўня 1922 року гміна Сухопаль ўлучаная ў склад Бельскага павету^[3].

З 26 ліпеня 1926 — у складзе Пружанскага павету Палескага ваяводзтва^[4]. 18 красавіка 1928 року частка тэрыторыі гміны перададзеная ў склад гміны Шарашоў^[5]. 1 красавіка 1932 у склад гміны ўлучаная частка скасаванае гміны Котра, а частка гміны Сухопаль наўзамен перададзеная ў склад гміны Шарашоў^[6].