Сыльвэрыюс (папа рымскі)

Сыльвэрыюс (па-лацінску: Silverius PP.; памёр 2 сьнежня 537 году, Пальмароля) — папа рымскі з 8 чэрвеня 536 году па 537 год.

Сыльвэрыюс (папа рымскі)

Асабістыя зьвесткі
Нарадзіўся	477 Фразынонэ, Ляцыё, Каралеўства Італіі[d]
Памёр	20 чэрвеня 537[1] Понца[d], Лятына[d], Ляцыё, Каралеўства Італіі[d]
Дэнамінацыя	Каталіцкая царква[2]
Бацькі	Гармізд жонка Гармізда[d]
Заняткі	каталіцкі сьвятар
Дзень памяці	20 чэрвеня
Сыльвэрыюс у Вікісховішчы

Пасьля сьмерці Агапіта I Юстыніян паслаў да Рыму свайго кандыдата на папскі сталец, асабістага сябра і сакратара Агапіта. У гэты час у Італіі адбывалася вайна між Бізантыяй і Остгоцкім каралеўствам, і стаўленік Бізантыі ня быў даспадобы каралю Тэадату, таму яшчэ да прыезду Вігіліюса кароль Тэадат паставіў папам Сыльвэрыюса. Кананічныя правілы пры гэтым прызначэньні былі парушаны. Паводле «Папскай кнігі» у ход былі пушчаны пагрозы, подкупы, суровыя пакараньні непаслухмяных.

Калі бізантыйскае войска падступіла да Рыму, кароль Тэадат зьбег, настрою да супраціву бізайнтыйцам у горадзе не было. Сыльвэрыюс уступіў у патаемныя перамовы зь бізантыйскім генэралам Бэлізарыюсам і адкрыў яму рымскія брамы. Пасьля новай аблогі Рыму, гэтым разам остгоцкім каралём Вітыгесам, у горадзе пачаўся голад. Агенты Вігіліюса вінавацілі ва ўсім Сыльвэрыюса, гэтаксама і насельніцтва гораду не давярала папе. Пад уплывам абуранага народу Сыльвэрыюса скінулі з папскага стальцу і выслалі ў Патару.