Сыман Пютлік

Сыман Пютлік (па-дацку: Simon Pytlick‎; нар. 11 сьнежня 2000 году) — дацкі гандбаліст нямецкага клюбу «Фленсбург-Гандэвіт» і нацыянальнай зборнай Даніі. Паходзіць з ганбольнай сям’і, то бок ягоныя бацькі таксама гулялі ў гандбол, як і ягоны сёстры Каміла і Язэфіна.

Сыман Пютлік
Пэрсанальная інфармацыя
Нарадзіўся	11 сьнежня 2000(2000-12-11) (24 гады) Турэ[d], Свэнбарг[d], Паўднёвая Данія, Данія
Рост	193 см
Пазыцыя	левы гульнёвы
Клюбная інфармацыя
Клюб	Фленсбург-Гандэвіт
Нумар	2
Клюбы
Гады	Клюб
2019—2023	ГОГ Гудмэ
2023—4	Фленсбург-Гандэвіт
Зборныя
2021—4	Данія

Кар’ера

Пачаў займацца гандболам у акадэміі клюбу ГОГ у 2012 годзе. У сэзоне 2019—2020 гадоў дэбютаваў за каманду з Гудмэ ў дацкай гандбольнай лізе, закінуўшы дзесяць галоў у шасьці гульнях. 15 верасьня 2019 году дэбютаваў у складзе дружыны ў матчы Лігі чэмпіёнаў ЭГФ супраць «Крыстыянстаду». Пасьля таго, як ягоны таварыш па камандзе Эміль Лерке парваў пятавую сухажылу, Пютлік атрымаў значна больш гульнявога часу ў сэзоне 2020—2021 гадоў. Гулец скарыстаўся гэтым, што прынесла яму ўзнагароду «Талент году»^[1]. У сэзоне 2021—2022 гадоў трапіў у каманду ўсіх зорак паводле вынікаў чэмпіёну^[2]. У 2022 годзе ён быў абраны гандбалістам году Даніі^[3]. З сэзону 2023—2024 гадоў пачаў гуляць у складзе нямецкага клюбу «Фленсбург-Гандэвіт»^[4].