Сьвінтыла

Сьвінтыла (лац. Suinthila; каля 588 — паміж 633 і 635) — кароль вэстготаў (621—631).

Сьвінтыла
кароль вэстготаў[d]
Асабістыя зьвесткі
Нарадзіўся	594
Памёр	не раней за 636, Таледа, Гішпанія
Нашчадкі	Recimir[d], Liuvigoto[d] і Agila[d]
Сужэнец	Тэўдыла

Біяграфія

Меў брата Гайлу. Быў адным з водцаў войска караля Сісебута. Узяў уладу па заўчаснай сьмерці Рыкарэда II.

За валадараньнем Сьвінтылы ў 625^[1] годзе вэстготы выціснулі бізантыйцаў з поўдня, што зрабіла яго першым каралём, які кіраваў усім Пірэнэйскім паўвостравам. Таксама ачоліў выправу супраць баскаў. У 630 годзе адбылося паўстаньне пад камандаю Сісенанда, падтрыманага франконскім каралём Дагабэртам I. Яно прывяло да страты стальца Сьвінтылам. 4-ы Таледзкі сабор (633 год), скліканы Сісенандам, абгрунтаваў зьмену стальца меркаванымі злачынствамі Свінтылы^[2][3].

Паводле Люі дэ Салясара, які жыў у 1658—1734 гадох і карыстаўся страчанымі пазьней гістарычнымі крыніцамі, у 630 годзе Сьвінтыла ажаніўся з Тэўдылай (Тэадорай), дачкой караля Сісебута. У гэтым шлюбе нарадзіліся двое дзяцей: сын Рыкімір (альбо Рыхімір) і дачка Любігатона^[4].

Глядзіце таксама

• Сьвінтыла (імя)