Сьвінтыла (імя)

Сьвінтыла, Сьвінтэла (Сьвінтала, Швінтэль, Зьвіндзель, Зьвінель, Сьвідэль, Сьвітэль) — мужчынскае імя і вытворнае ад яго прозьвішча.

Svinthila
Паходжаньне
Мова(-ы)	германскія
Утворанае ад	Suint + суфікс з элемэнтам -л- (-l-)
Іншыя формы
Варыянт(ы)	Сьвінтэла, Сьвінтала, Швінтэль, Зьвіндзель, Зьвінель, Сьвідэль, Сьвітэль
Зьвязаныя артыкулы
якія пачынаюцца з «Сьвінтыла»

Паходжаньне

Асноўны артыкул: Імёны ліцьвінаў

Сьвінтыла, Сьвентыла або Сьвітыла (Svinthila, Suentilo, Suitila) — імя германскага паходжаньня^[1]. Іменная аснова -сьвінд- (-сьвент-, -сьвіт-) (імёны ліцьвінаў Швендэр, Сьвентальд, Сьвентагал; германскія імёны Schwender, Switald, Galsuintha) паходзіць ад гоцкага swinþs 'моцны, магутны'^[2].

У Прусіі (ваколіцы Мэмэлю) існавала вёска Schwentzell^[3].

Варыянты імя ў гістарычных крыніцах: Ивашко Свитель (2 лістапада 1582 году)^[4]; ыменичком Нацевичовскимъ Мойшакгольскым… Петръ Мачулевич Звинелевичъ (2 чэрвеня 1605 году)^[5]; Szwintele… Swinteła (1744 год)^[6]; zaścianki… Świntała… wioski… Świntała (1782—1783 гады)^[7]; Georgius Swidelewicz (4 кастрычніка 1792 году)^[8].

Носьбіты

• Сьвінтыла († паміж 633 і 635) — кароль вэстготаў

На 1906 год існавала вёска Зьвіндзелішкі ў Дзьвінскім павеце Віцебскай губэрні^[9].