Сьвірнішча

Сьвірнішча — возера ў Мядзельскім раёне Менскай вобласьці. Знаходзіцца за 36 км на захад ад Мядзела, каля вёскі Навасёлкі. Належыць да групы Сьвірскіх азёр.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Сьвірнішча (неадназначнасьць).

Возера Сьвірнішча Краіна Беларусь Плошча 0,38 км² Плошча вадазбору 10 км² Максымальная глыбіня 2,7 м Найбольшая даўжыня 0,87 км Найбольшая шырыня 0,57 км Даўжыня берагавой лініі 2,39 км Вышыня над узроўнем мора 147 м[1] Аб’ём вады 0,71 млн м³ Каардынаты 54°52′19.61″ пн. ш. 26°22′22.58″ у. д. Сьвірнішча на мапе Беларусі Сьвірнішча

Возера знаходзіцца ў басэйне ракі Страча. Плошча Сьвірнішча складае 0,38 км². Найбольшая глыбіня возера — 2,7 м. Даўжыня возера — 0,87 км, найбольшая шырыня — 0,57 км. Даўжыня берагавой лініі — 2,39 км. Аб’ём вады ў возеры складае 0,71 млн м³, плошча вадазбору возера — 10 км².

Схілы катлавіны возера маюць вышыню 4—5 м, на захадзе і паўднёвым захадзе вышыня сягае 20 м. Схілы парослыя хмызьняком, на захадзе і ўсходзе — разараныя. Берагі возера сплавінныя, на ўсходзе зьліваюцца з схіламі.

Дно вадаёма высланае сапрапэлем. Возера цалкам зарастае падводнай расьліннасьцю.