Сьнежка (гара)

Сьнежка (па-чэску: Sněžka, па-польску: Śnieżka) — горная вяршыня ў Крконошах, на мяжы Польшчы й Чэхіі. Самы высокі пункт Чэхіі (1603 мэтры) й Ніжнесылескага ваяводзтва Польшчы. Адна зь вяршынь так званай Кароны польскіх гор (пераліку самых высокіх вяршынь польскіх горных сыстэм). На схілах гары лясы, горныя лугі, камяністыя россыпы. Большую частку року пакрыта сьнегам. На вяршыні канатная дарога, a з польскага боку знаходзіцца мэтэастанцыя, рэстарацыя й невялікі касьцёл. Гара ўваходзіць у Нацыянальныя паркі Польшчы й Чэхіі. Зьяўляецца папулярным месцам сярод турыстаў. Выкарыстоўваецца для зімовых відаў спорту.

Польская рэстарацыя й мэтэастанцыя з польскага боку

Сьнежка
Найвышэйшы пункт
Вышыня	1603 м н. у. м.
Адносная вышыня	1197 м[1] н. у. м.
Ізаляцыя	290 км[1] н. у. м.
Геаграфія
Месцазнаходжаньне	Верхняя Малая Упа[d], Пэц пад Сьнежкай[d], Ніжнесылескае ваяводзтва, Еленягурскі павет[d][2] і Карпач[d][2]
Кантынэнт	Эўропа
Краіны	Чэхія, Польшча
Горная сыстэма	Судэты
Сьнежка на мапе Чэхіі Сьнежка
Сьнежка ў Вікісховішчы

Літаратура

• Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш. — Мн.: БелЭн, 2002. — Т. 15. — 552 с. — 10 000 ас. — ISBN 985-11-0251-2 (Т. 15)
• Słownik geografii turystycznej Sudetów, t. 3 Karkonosze, red. Marek Staffa, Wydawnictwo PTTK «Kraj», Warszawa — Kraków, 1993. — ISBN 83-7005-168-5.
• Kolbuszewski Jacek. Z dziejów Śnieżki w Karkonoszach. — Wydawnictwo PTTK Kraj, 1990.
• Mapa turystyczna Karkonosze polskie i czeskie 1:25 000, Wydawnictwo «Plan», Jelenia Góra, ISBN 83-88049-26-7.
• Krkonoše-východ. turistická a lyžařská mapa 1:25 000, Nakladelství ROSY, 1995, 80-85510-29-4

Сьнежка на паўночным захадзе