Сьпіс аб’ектаў Сусьветнай спадчыны ЮНЭСКО ў Беларусі

Сьпіс Сусьве́тнай спа́дчыны ЮНЭСКО ў Рэспубліцы Беларусь складаецца з 4 аб’ектаў (на 2015 год), што складае 0.3 % ад агульнага ліку (1199 на 2024 год). 3 аб’екты ўключаны ў сьпіс паводле культурных крытэраў і 1 — па прыродных крытэрах, а таксама ён прызнаны прыродным фэномэнам выключнай прыгажосьці і эстэтычнай важнасьці (крытэрый vii). Акрамя гэтага, паводле стану на 2015 год, 5 аб’ектаў на тэрыторыі Беларусі знаходзяцца ў ліку кандыдатаў на ўключэньне ў сьпіс Сусьветнай спадчыны^[1]. Саюз Савецкіх Сацыялістычных Рэспублік, у які на той момант уваходзіла БССР, ратыфікаваў Канвэнцыю аб ахове сусьветнай культурнай і прыроднай спадчыны 12 кастрычніка 1988 году^[2]. Аднак першы аб’ект, які знаходзіцца на тэрыторыі Беларусі, быў занесены ў сьпіс у 1992 годзе на 16-й сэсіі Камітэту Сусьветнай спадчыны ЮНЭСКО, калі краіна набыла незалежнасьць.

Сьпіс

У дадзенай табліцы аб’екты разьмешчаны ў парадку іх даданьня ў сьпіс Сусьветнай спадчыны ЮНЭСКО.

#	Выява	Назва	Месцазнаходжаньне	Час стварэньня	Год даданьня ў сьпіс	№	Крытэры
1		Белавеская пушча	Найбліжэйшы горад: Камянец Вобласьць: Берасьцейская (Сумесна з Польшчай)	—	1979, 1992	33	vii
2		Мірскі замак	Мястэчка: Мір Вобласьць: Гарадзенская	XVI—XVII стагодзьдзі	2000	625	ii, iv
3		Геадэзічная дуга Струвэ (5 пунктаў)	Вобласьці: Гарадзенская, Берасьцейская (Сумесна з Нарвэгіяй, Швэцыяй, Фінляндыяй, Расеяй, Эстоніяй, Латвіяй, Летувой, Малдовай, Украінай)	XIX ст.	2005	1187	ii, iii, vi
4		Палацава-замкавы комплекс у Нясьвіжы	Горад: Нясьвіж Вобласьць: Менская	XVI ст.	2005	1196	ii, iv, vi

Кандыдаты ў сьпіс

У табліцы аб’екты разьмешчаныя ў парадку іх даданьня ў сьпіс кандыдатаў. У дадзеным сьпісе зьмешчаны аб’екты, прапанаваныя ўрадам Беларусі ў якасьці кандыдатаў на занясеньне ў сьпіс Сусьветнай спадчыны.

#	Выява	Назва	Месцазнаходжаньне	Час стварэньня	Год даданьня ў сьпіс	№	Крытэры
1		Аўгустоўскі канал	Найбліжэйшае паселішча: Сапоцкін Вобласьць: Гарадзенская	XIX ст.	2004	1892	i, iii
2		Культавыя пабудовы абарончага тыпу ў Беларусі, Польшчы і Летуве	Вобласьць: Менская, Берасьцейская	XVI ст.	2004	1899	i
3		Сафійскі сабор у Полацку	Горад: Полацак Вобласьць: Віцебская	1030—1060	2004	1893	i, ii
4		Калоская царква ў Горадні	Горад: Горадня Вобласьць: Гарадзенская	1183	2004	1895	i, ii
5		Драўляныя цэрквы Палесься	Вобласьці: Гомельская, Берасьцейская	З XVI ст.	2004	1901	i, ii, iii

Глядзіце таксама

• Сусьветная спадчына ЮНЭСКО
• ЮНЭСКО