Сінюшнік

Сіню́шнік (па-лацінску: Polemónium), народныя назвы гадзіньнік, аструшка, рабінка — род расьлінаў сямейства Сінюхавыя. Налічвае каля 50 відаў, распаўсюджаных у халодным і ўмераным поясе Паўночнага паўшар’я. У Беларусі 1 від — сінюха блакітная.

Сінюшнік
Polemonium caeruleum
Клясыфікацыя
Надцарства	Эўкарыёты
Царства	Расьліны
Падцарства	Зялёныя расьліны
Аддзел	Кветкавыя расьліны
Кляса	Двухдольныя
Надатрад	Asteranae
Атрад	Верасакветныя
Сямейства	Сінюхавыя
Падсямейства	Polemonioideae
Бінамінальная намэнклятура
Polemonium L.
Сінюшнік на Віківідах  Сінюшнік у Вікісховішчы ITIS 30998 · NCBI 13639

Батанічнае апісаньне

Прадстаўнікі роду — шматгадовыя, радзей аднагадовыя расьліны. Іхняя вышыня не перавышае 100 см.

Лісьце буйное, непарнапёркаватыя, чаргаваныя.

Кветкі блакітныя, радзей белыя, ружовыя, сінія; сабраныя ў мяцёлкавыя ці калматыя суквецьці.

Плод — пушачка.

Выкарыстаньне

У народнай мэдыцыне ўжываецца ад мноства хваробаў. Аказвае адхарквальнае і сэдацыйнае дзеяньне. Прымяняюць пры вострых хранічных бранхітах. Часам прызначаюць разам з сухотнікам багнавым пры язьве страўніка.