Сіпурка (рака)

Сіпу́рка^[1] — рака ў Камянецкім раёне Берасьцейскай вобласьці, часткова ў Польшчы. У басэйне Заходняга Бугу.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Сіпурка.

Рака

Сіпурка
Агульныя зьвесткі
Выток	на тэрыторыі Польшчы
Вусьце	рака Белая
Краіны басэйну	Беларусь
Вобласьці	Берасьцейская вобласьць
Даўжыня	18 км
Плошча басэйну	258 км²
Нахіл воднай паверхні	1,5 ‰

Пачынаецца на тэрыторыі Польшчы, за 5 км на захад ад яе мяжы зь Беларусьсю. Цячэ па паўночнай частцы Прыбужанскай раўніны. Вусьце за 200 м на поўдзень ад вёскі Стаўповіскі. У вусьці зьліваецца з ракой Палічнай і разам утвараюць раку Белую. Даўжыня 18 км. Рэчышча ў сярэднім і ніжнім цячэньні, на працягу 12 км (ад сажалкі каля аднайменнай вёскі Сіпуркі да вусьця) каналізаванае.