Сіпурка (вёска)

Сіпу́рка^[3] — вёска ў Камянецкім раёне Берасьцейскай вобласьці, уваходзіць у Вярховіцкі сельсавет.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Сіпурка.

Сіпурка
трансьліт. Sipurka
Першыя згадкі:	XIX стагодзьдзе
Краіна:	Беларусь
Вобласьць:	Берасьцейская
Раён:	Камянецкі
Сельсавет:	Вярховіцкі
Вышыня:	154[1] м н. у. м.
Насельніцтва:	24 чал. (2010)
Часавы пас:	UTC+3
Тэлефонны код:	+375 1631
Паштовы індэкс:	225076[2]
СААТА:	1240826041
Нумарны знак:	1
Геаграфічныя каардынаты:	52°32′10″ пн. ш. 23°30′49″ у. д.
Сіпурка на мапе Беларусі ± Сіпурка Сіпурка

Месьціцца за 38 км на паўночны захад ад Камянцу, за 65 км на поўнач ад Берасьця, за 21 км на паўночны ўсход ад чыгуначнай станцыі Высока-Літоўск (лінія Берасьце — Беласток). Празь вёску праходзіць мясцовая аўтадарога Н-389 (Амелянец — Ваўкаставец). За 300 м на поўдзень ад вёскі працякае рака Сіпурка.

Гісторыя

• сярэдзіна XIX стагодзьдзя: вёска ў складзе фальварку Апака маёнтку Капылы у Берасьцейскім павеце Гарадзенскай губэрні Расейскай імпэрыі.
• 1845: паводле інвэнтару належала Караліне Пуслоўскай, у вёсцы было 22 двары, 241 жыхар.
• з 1860-х: у Вярховіцкай воласьці.
• 1897: паводле перапісу 34 двары, 227 жыхароў, дзейнічалі хлебазапасная крама, вадзяны млын на рацэ Сіпурка.
• 1905: 220 жыхароў.
• 1921: у выніку польска-савецкай вайны па Рыскай мірнай дамове ў складзе Польшчы, вёска ў Вярховіцкай гміне Берасьцейскага павету Палескага ваяводзтва.
• 1923: 24 двары, 92 жыхары.
• 1939: у выніку пакту Молатава — Рыбэнтропа ў складзе Берасьцейскай вобласьці БССР.
• 1940: у Амелянецкім сельсавеце Кляшчэльскага раёну Берасьцейскай вобласьці, 234 жыхары.
• 1941—1945: цягам Другой сусьветнай вайны на франтах загінулі 4 жыхары вёскі.
• 1945: у Высокаўскім раёне.
• 1954: у Бушміцкім сельсавеце.
• 1960: 123 жыхары.
• 1962: у Камянецкім раёне.
• 1968: у Каленкавіцкім сельсавеце.

23 чэрвеня 2011 году вёска перададзеная зь ліквідаванага Каленкавіцкага ў склад Вярховіцкага сельсавету^[4].

Насельніцтва

• XX стагодзьдзе: 1970 год — 103 жыхары; 1999 год — 49 жыхароў
• XXI стагодзьдзе: 2005 год — 19 двароў, 41 жыхар; 2010 год — 24 жыхары

Інфраструктура

У складзе СВК «Амелянец».