Стаўповіскі

Стаўпо́віскі^[2] — вёска ў Камянецкім раёне Берасьцейскай вобласьці, уваходзіць у Дзьмітравіцкі сельсавет.

Стаўповіскі
трансьліт. Staŭpoviski
Першыя згадкі:	XVII стагодзьдзе
Краіна:	Беларусь
Вобласьць:	Берасьцейская
Раён:	Камянецкі
Сельсавет:	Дзьмітравіцкі
Насельніцтва:	7 чал. (2010)
Часавы пас:	UTC+3
Тэлефонны код:	+375 1631
Паштовы індэкс:	225063[1]
СААТА:	1240820141
Нумарны знак:	1
Геаграфічныя каардынаты:	52°33′1″ пн. ш. 23°39′6″ у. д.
Стаўповіскі на мапе Беларусі ± Стаўповіскі Стаўповіскі

Стаўповіскі месьцяцца за 200 м на паўночны ўсход ад аўтадарогі «Абход тэрыторыі нацыянальнага парку „Белавеская пушча“» (Р98), за 300 м на паўночны ўсход ад месца зьліцьця рэк Палічны і Сіпуркі, якое дае пачатак рацэ Белай, за 25 км на паўночны захад ад Камянцу, за 59 км на поўнач ад Берасьця, за 29 км на паўночны ўсход ад чыгуначнай станцыі Высока-Літоўск на лініі Берасьце — Беласток.

Гісторыя

• 1640: упершыню згадваецца ў пісьмовых крыніцах як сяло ў Берасьцейскім павеце ВКЛ.
• 1795: у выніку 3-га падзелу Рэчы Паспалітай у складзе Расейскай імпэрыі.
• 1857: паводле 10-й рэвізіі 104 рэвіскія душы, дзяржаўная ўласнасьць.
• пачатак XX ст.: вёска ў Белавеска-Аляксандраўскай воласьці Пружанскага павету Гарадзенскай губэрні.
• 1905: 78 жыхароў.
• 1921: у выніку польска-савецкай вайны па Рыскай мірнай дамове ў складзе Польшчы.
• 1939: у выніку пакту Молатава — Рыбэнтропа ў складзе Берасьцейскай вобласьці БССР.
• 1940: у Бялоўскім сельсавеце Гайнаўскага раёну Берасьцейскай вобласьці.
• 1941: напярэдадні Другой сусьветнай вайны ў вёсцы было 20 двароў, 76 жыхароў.
• 1942: вёска была цалкам спаленая нямецкімі захопнікамі.
• 1945: у Камянецкім раёне.
• 1954: у складзе Ражкоўскага сельсавету.
• 1959: у складзе Дзьмітравіцкага сельсавету, у вёсцы 94 жыхары.
• 1970: 71 жыхар, у саўгасе імя Дзімітрава.

Насельніцтва

• 2010 год — 7 жыхароў
• 2005 год — 13 жыхароў, 7 двароў^[3]
• 1999 год — 13 жыхароў

Інфраструктура

У складзе ААТ «Камянецкая пушча».