ТСЦ Бачка-Тапола

«ТСЦ» (па-сэрбску: Фудбалски клуб ТСЦ/Fudbalski klub TSC) — сэрбскі футбольны клюб з Бачка-Таполы з аўтаномнае правінцыі Ваяводзіна. Быў закладзены ў 1913 годзе, што, такім чынам, робіць яго адным з найстарэйшых у краіне.

ТСЦ
Заснаваны	1913
Горад	Бачка-Тапола, Сэрбія
Стадыён	ТСЦ-Арэна Умяшчальнасьць: 4500
Галоўны трэнэр	Дэан Клафурыч[d][1]
Чэмпіянат	Супэрліга
· 2024—2025	7 месца
fktsc.com (сэрб.)

Гісторыя

Фактычна клюб быў створаны ў 1912 годзе^[2], але афіцыйным годам стварэньня клюбу лічыцца 1913 год. У тыя часы горад быў часткай Аўстра-Вугоршчыны. Першым прэзыдэнтам клюбу быў Іштван Бэніш. Пасьля Першай сустветнай вайны горад стаў часткай Каралеўства сэрбаў, харватаў і славенцаў. За часам жа Другой сусьветнай вайны клюб браў удзел у розыгрышах Другой лігі чэмпіянату Вугоршчыны, дзе ў 1942 годзе заняў другі радок. Па вайне горад зноў вярнуўся да Югаславіі, але пэўны час клюб яшчэ некалькі гадоў меў вугорскую назву^[2], а сапраўднай зоркай клюбу быў колішні гулец зборнай Вугоршчыны Енё Кальмар. У 1951 годзе назва зьмянілася на «Таполу». Клюб у тыя часы браў удзел толькі ў рэгіянальных спаборніцтвах.