Тарпэда Магілёў

«Тарпэда» — беларускі футбольны клюб з Магілёва, заснаваны ў 1960 годзе. Найлепшым дасягненьнем зьяўляецца 7 месца ў вышэйшай лізе чэмпіянату Беларусі 1992 году.

Тарпэда
Поўная назва	Футбольны клюб «Тарпэда Магілёў»
Заснаваны	1960
Горад	Магілёў, Беларусь
Стадыён	«Тарпэда» Умяшчальнасьць: 3500
Чэмпіянат	Другая ліга чэмпіянату Беларусі па футболе
· 2016	Другая ліга, 10 месца
Афіцыйны сайт

Гісторыя

У 1979 годзе клюб пачаў гуляць у вышэйшай лізе БССР. У 1982 годзе «Тарпэда» выйграла чэмпіёнскі тытул.

У вышэйшай лізе Рэспублікі Беларусь «Тарпэда» пачало гуляць у 1992 годзе. Найбольш пасьпяховымі былі першыя два сэзоны, калі каманда фінішавала на 7-м месцы (1992) і 8-м (1992—1993). Пасьля гэтага «Тарпэда» не магло дасягнуць месца, вышэйшага за 11-е і часьцей за ўсё змагалася за выжываньне ў вышэйшай лізе.

У 1996 годзе «Тарпэда» было пераназванае ў «Тарпэда-Кадзіна». Сэзон 2000 году каманда завяршыла на 15-м месцы й вылецела ў першую лігу. Пасьля 5 сэзонаў у першай лізе (2001—2005) каманда была расфармаваная. У пачатку 2006 году на базе стадыёну «Тарпэда» ў Магілёве была сфармаваная цалкам новая каманда — «Савіт», якая пачала гуляць у другой лізе чэмпіянату Беларусі па футболе.

У 2015—2016 гадах каманда выступала ў другой лізе чэмпіянату Беларусі.

Гісторыя назваў

• 1959—1961: Мэталюрг
• 1962—1963: Кіравец
• 1964—1978: Мэталюрг
• 1979—1995: Тарпэда
• 1996—2005: Тарпэда-Кадзіна
• З 2015 году: Тарпэда

Дасягненьні

• 1982 — Чэмпіён БССР

Статыстыка

Чэмпіянат Сэзон Ліга Месца Г В Н П РМ Пкт 2015 Другая 10 20 9 2 9 34–34 29 2016 Другая 10 24 7 5 12 41–59 26

Кубак Сэзон Раўнд Г В Н П РМ 2015—2016 1/64 1 0 0 1 3–5 2016—2017 1/16 2 1 0 1 1–4

Галоўныя трэнэры

• Міхаіл Ерамчук (ліпень — сьнежань 2016 году)^[1]
• Аляксандар Вопсеў (сакавік — чэрвень 2016 году)^[2]
• Аляксандар Бразевіч (чэрвень — жнівень 2015 году)^[3]
• Віктар Чарных (да чэрвеня 2015 году)