Белы таўсталобік

Белы таўсталобік^[1],звычайны таўсталобік^[2] або таўсталобік^[2] (па-лацінску: Hypophthalmichthys molitrix) — буйная зграйная пэлягічная рыба.

Белы таўсталобік
Клясыфікацыя
Царства	Жывёлы
Тып	Хордавыя
Кляса	Прамянёвапёрыя рыбы
Атрад	Карпападобныя
Сямейства	Карпавыя
Род	Таўсталобікі
Від	Белы таўсталобік
Бінамінальная намэнклятура
Hypophthalmichthys molitrix
Белы таўсталобік на Віківідах  Белы таўсталобік у Вікісховішчы ITIS 163691 · NCBI 13095

Насяляе басэйн Амуру. Від шырока акліматызаваны ў эўрапейскай частцы Расеі і Сярэдняй Азіі. Дасягае даўжыні каля 100 см і масы 40 кг. Луска дробная. Сілкуецца зялёнай воднай масай. Зімуе ў глыбокіх ямах і ў глыбокім сьне.

Белы таўсталобік — зграйная прэснавадная рыба сярэдніх памераў. Цела высокае, пакрытае дробная серабрыстай луской сьветлага колеру. Сілкуецца мікраскапічным багавіньнем — фітаплянктонам, таму гэтая рыба зьяўляецца выдатным мэліяратарам вадаёмаў. Пры дапамозе свайго цадзільнага ротавага апарату белы таўсталобік прафільтроўвае зацьвілую, зялёную і каламутную ад дэтрыту ваду. Таму калі вы хочаце, каб у вашай сажалцы пастаянна была празрыстая вада, то вельмі мэтазгодна, акрамя фільтрацыйных сыстэмаў, запусьціць у вадаём белага таўсталобіка.

Што тычыцца памераў, то від зьяўляюцца рыбай сярэдняга памеру, так што трымаць яго можна і ў ня вельмі буйных сажалках.

Дадатковыя зьвесткі

Улетку 1996 г. у межах Днепрапятроўскай вобласьці на Кахоўскім вадасховішчы поруч з Высшатарасаўкая прамыславікамі быў злоўлены таўсталобік пярэсты вагой 51 кг^[3]. У ліпені 2011 году ў вадасховішчы Рэфцінской ДРЭС злоўлены таўсталобік вагой каля 40 кг^[4].

Глядзіце таксама

• Пярэсты таўсталобік (Aristichthys nobilis)^[5] — іншая далёкаўсходняя рыба, акліматызаваная ў Эўропе.