Таўча граўча

Таўча граўча — страва македонскай кухні, смажаныя бабы на патэльні^[1]. У сэрбскай кухні ёсьць падобная страва прэбранац^[2][3].

Таўча граўча
Паходжаньне	Паўночная Македонія
Асноўны складнік	струк[d]
Таўча граўча ў Вікісховішчы

Назва стравы складаецца з двух словаў: «таўча» — асаблівы гліняны посуд, і «граўча» — фасоля. Іншыя назвы стравы — граўча на таўчы^[4], фасоля па-македонску.

Для прыгатаваньня патрабуецца буйная белая фасоля тэтавац, якая культывуецца ў раёне гораду Тэтава.

Акрамя белай фасолі ў склад стравы ўваходзяць цыбуля, алей, чырвоны баўгарскі перац і розныя заправы: соль, перац, пятрушка і г. д.

Фасоля перад гатаваньнем замочваецца да набраканьня і разьмякчэньня, потым варыцца да гатоўнасьці, перад сканчэньнем варкі ў яе дадаюцца пасіраваная на алеі цыбуля і заправы. Па гатоўнасьці фасолі страва перакладаецца ў вогнетрывалы посуд — таўча — і запякаецца. Да стравы можа дадавацца мяса^[5].