Томас Гэрыят

Томас Гэрыят (анг. Thomas Harriot; каля 1560, Оксфард — 2 ліпеня 1621, Лёндан) — ангельскі астраном, матэматык, этнограф і перакладчык. Існуць меркаваньні, што менавіта Гэрыят завёз бульбу на Брытанскія выспы.^[5] Гэрыят быў першым, хто зрабіў малюнак Месяца, убачанага ў тэлескоп — 26 ліпеня 1609 году — за чатыры месяцы да Галілея.^[6]

Томас Гэрыят
Thomas Harriot
Партрэт Томаса Гэрыята (1602), які цяпер вісіць у Трыніці-коледж, Оксфард.
Дата нараджэньня	каля 1560[1][2]
Месца нараджэньня	Оксфард, Ангельшчына
Дата сьмерці	2 ліпеня 1621(1621-07-02)[2][3]
Месца сьмерці	Лёндан, Ангельшчына
Прычына сьмерці	malignant tumor of nasopharynx[d][2]
Месца пахаваньня	Nunhead Cemetery[d][4]
Месца вучобы	St Mary Hall, Оксфард
Занятак	матэматык, падарожнік-дасьледнік, астраном, астроляг, пісьменьнік, мовазнавец, картограф
Навуковая сфэра	астраномія, матэматыка, этнаграфія
Месца працы	каля Уолтэр Рэйлі[d][2] Henry Percy, 9th Earl of Northumberland[d][2]
Томас Гэрыят у Вікісховішчы

Пасьля вучобы ў Оксфардзкім унівэрсытэце Гэрыят выправіўся ў падарожжа ў Амэрыку. Ён уваходзіў у склад экспэдыцыі сэра Ральфа Лэйна 1585 году да калёніі Раанок, на якую выдаткаваў сродкі сэр Рэлі Ўолтэр. Гэрыят быў значным чальцом каманды: ён пераклаў на ангельскую і вывучыў каралінскую алгонкінскую мову ад двух карэнных амэрыканцаў. Па вяртаньні дамоў ён працаваў на 9-га графа Нортамбэрлэнду. У доме графа ён стаўся пасьпяховым матэматыкам і астраномам. Яму прыпісваецца ўнёсак у тэорыю пераламленьня.