Торэвіеха

Торэвіеха (па-гішпанску: Torrevieja; па-валенсійску: Torrevella) — места і грамада ў правінцыі Алікантэ Валенсійскай супольнасьці Гішпаніі, на паўднёва-ўсходнім Белым беразе Міжземнага мора.

Торэвіеха
Краіна:	Гішпанія
Кіраўнік:	Эдуарда Хорхэ Далён Санчэс[d][1]
Плошча:	71,44 км²
Вышыня:	7 м н. у. м.
Насельніцтва:	▲94 803 чал. (2024)[2]
Паштовы індэкс:	03181–03188
Нумарны знак:	A
Геаграфічныя каардынаты:	37°58′40″ пн. ш. 0°41′0″ з. д.
Торэвіеха на мапе Гішпаніі Торэвіеха
Галерэя здымкаў у Вікісховішчы
https://torrevieja.es

Знаходзіцца за 50 кілямэтраў на поўдзень ад Алікантэ. Насельніцтва — 83 тыс. (2019)^[3]. Першапачаткова заснаваная як солездабыўчая і рыбацкая вёска.

Мінуўшчына

Назва места паходзіць ад старажытнай вартавой вежы (гішп. Torre Vieja — 'старая вежа'), якая здаўна тут стаяла. У 1803 року Карл IV загадаў пачаць тут будаўніцтва паселішча дзеля здабычы солі. У 1829 землятрус цалкам зьнішчыў мястэчка, але яно хутка было адноўленае. У 1931 Альфонса XIII надаў Торэвіесе статус места.

У XIX стагодзьдзі здабытую соль збольшага прадавалі ў Швэцыю ды Нідэрлянды. З пачатку XX стагодзьдзя чвэрць атрыманай солі сталі пастаўляць на ўнутраны рынак. Дагэтуль солездабыча застаецца асноўнай галіной прамысловасьці Торэвіехі.

Апошнім часам адбываецца разьвіцьцё турыстычнай сфэры. Вялікая колькасьць брытанцаў, ірляндцаў, немцаў і скандынаваў пражываюць тут цэлы год, а гішпанцы купляюць у Торэвіесе другі дом.

Транспарт

Торэвіеху перасякае дарога Н-332 з Картахэны.

Турыстычная інфармацыя

Iglesia Arciprestal de la Inmaculada Concepción

• Катэдра Беззаганнага Зачацьця, узьведзеная ў 1789, у 1844 рэканструяваная з камянёў, узятых з арыгінальнай Старой вежы.
• Касьцёл Дзевы Марыі Ружанцовай (Ля-Мата), збудаваны ў 1896.
• Грэбля Левантэ даўжынёй 1600 м.
• Парк нацыяў  — паменшаная копія Эўрапейскага кантынэнту
• Музэй мора і солі
• Плывучы музэй падводнай лодкі С-61
• Плывучы музэй патрульнай лодкі Альбатрос III
• Пляцоўкі солі — у 1777—1958 роках служылі солезапасным магазынам і вэрф’ю.
• Солевыя капальні — дзьве солевыя лягуны на захад ад места
• Музэй хабанэры «Рыкарда Ляфуэнтэ»
• Музэй Вялікадня
• Музэй натуральнай гісторыі Торэвіехі ў будынку старога чыгуначнага вакзалу
• Парк ветрака

Вядомыя асобы

• Хаакін Чарапрэта (1871—1951) — палітык
• Нікола Кун — тэнісіст