Тээму Хартыкайнэн

Тээ́му Хартыка́йнэн (па-фінску: Teemu Hartikainen; нар. 3 траўня 1990 году) — фінскі хакеіст, нападнік швайцарскага клюбу «Жэнэва-Сэрвэт» і нацыянальнай зборнай Фінляндыі. Чэмпіён сьвету 2022 году.

Тээму Хартыкайнэн
Рост	187 см
Вага	100 кг
Пазыцыя	нападнік
Кідок/Ловы	левы[d]
Грамадзянства	Фінляндыя
Дата нараджэньня	3 траўня 1990(1990-05-03) (35 гадоў)
Месца нараджэньня	Куопіё, Фінляндыя
Клюб	Жэнэва-Сэрвэт
Выступаў за	Калпа Аклагома-Сіці Бэранз Эдмантан Ойлерз Салават Юлаеў
Гульнявая кар’ера	2010 — цяпер

Кар’ера

Гулец пачаў сваю кар’еру ў клюбе «Калпа». Пасьля некалькіх сэзонаў на радзіме накіраваўся ў Паўночную Амэрыку, дзе выступаў за клюб «Аклагома-Сіці Бэранз» з Амэрыканскае хакейнае лігі. Некалькі разоў выклікаўся ў асноўны клюб «Эдмантан Ойлерз», але замацавацца ў дружыне ня здолеў. Улетку 2013 году Хартыкайнэн сышоў з клюбу і далучыўся да расейскага «Салават Юлаева» з Кантынэнтальнае хакейнае лігі^[1]. У новым клюбе фін адразу ўвайшоў у лік галоўных хакеістаў клюбу. Хартыкайнэн некалькі разоў падаўжаў супрацу з камандай, а асаблівы шыкоўным выявіўся сэзон 2020—2021 гадоў, калі нападнік за 53 гульні зарабіў 64 пункты. У сакавіку 2022 году праз расейскае ўварваньне ва Ўкраіну скасаваў дамову з клюбам і пераехаў у Швайцарыю, далучыўшыся да клюбу «Жэнэва-Сэрвэт».