Угу Алмэйда

У́гу Міге́л Пэрэ́йра ды Алмэ́йда (па-партугальску: Hugo Miguel Pereira de Almeida; нар. 23 траўня 1984 году, Фігейра-да-Фош, Партугалія) — партугальскі футбаліст, нападнік. Мае на сваім рахунку выступы ў кашулі нацыянальнай зборнай Партугаліі. Пасьля няўдалай спробы зацьвердзіцца ў складзе «Порту», пэўны час правёў у арэндах у розных клюбах, аднак зрабіў сабе імя выступаючы Нямеччыне за «Вэрдэр», дзе ён гуляў на працягу чатырох сэзонаў.

Угу Алмэйда
Пэрсанальная інфармацыя
Нарадзіўся	23 траўня 1984(1984-05-23)[1][2][3] (41 год) Фігейра-да-Фош[d]
Рост	191 см
Вага	90 кг
Пазыцыя	нападнік
Клюбы
Гады	Клюб	Гульні (галы)¹
2002—2005	Порту Б[d]	25 (20)
2003—2007	Порту	33 (4)
2003	→ Уніян Лейрыя	13 (3)
2004	→ Уніян Лейрыя	15 (2)
2005	→ Баавішта	14 (3)
2006—2007	→ Вэрдэр	28 (5)
2007—2010	Вэрдэр	89 (36)
2011—2014	Бэшыкташ	88 (37)
2014—2015	Чэзэна	10 (0)
2015	Кубань Краснадар	10 (2)
2015—2016	Анжы Махачкала	12 (2)
2016—2017	АЕК Атэны	22 (5)
2016	Гановэр-96	7 (1)
2017—2018	Хайдук Спліт	14 (3)
2018—2020	Акадэміка	33 (11)
Зборныя
2002—2003	Партугалія (да 19)[d]	15 (8)
2003	Партугалія (да 20)[d]	5 (0)
2004—2007	Партугалія (да 21)[d]	27 (16)
2004—2014	Партугалія	57 (19)

Кар’ера

«Порту»

Прафэсійная кар’ера Угу пачалася ў клюбе «Порту». Свой дэбютны ў партугальскім чэмпіянаце матч за «Порту» Алмэйда правёў 21 верасьня 2003 году ў гульні супраць «Бэнфікі», аднак Угу правёў на полі толькі каля 3 хвілінаў. Нягледзячы на ​​няздольнасьць замацавацца ў асноўным складзе «Порту», ​​малады нападнік працягваў гуляць у клюбах «Уніян Лейрыя» й «Баавішта» на правах арэнды.

Алмэйда вярнуўся ў «Порту» ў сэзоне 2005—2006 гадоў, тады ён стаў важнай часткай каманды, якая перамагла ў тым жа годзе ў нацыянальным чэмпіянаце. У Лізе чэмпіёнаў УЭФА таго сэзону Угу больш за ўсё запомніўся сваім голам-прыгажуном са штрафнога з 35 мэтраў у браму мілянскага «Інтэру» на Сан-Сыра^[4], тым ня менш прайграным партугальцамі зь лікам 1:2.

«Вэрдэр»

З прыходам у жніўні 2007 году форвардаў Эдгара й Эрнэста Фар’яса ў «Порту» ўзрасла канкурэнцыя ў нападзе, з прычыны чаго Угу вырашыў пакінуць партугальскі клюб і падпісаў кантракт з брэмэнскім «Вэрдэрам»^[5], зь якім правёў папярэдні сэзон на правах арэнды. Нямецкаму клюбу тады патрабаваўся нападнік, бо лідэр нападаў Міраслаў Клёзэ перайшоў у «Баварыю», дзякуючы гэтаму шанцы Алмэйды зайграць у «Вэрдэры» былі вельмі добрымі.

«Бэшыкташ»

24 сьнежня 2010 году Угу перайшоў у турэцкі «Бэшыкташ», падпісаўшы кантракт на 3,5 году^[6]. Сума трансфэру склала 2 млн эўра^[7][8].

Міжнародная кар’ера

Алмэйда гуляў на ўсіх узроўнях партугальскай зборнай, ад зборнай ад 15 гадоў да асноўнай.

Свой поўны дэбют ён зрабіў 18 лютага 2004 году ў таварыскім матчы супраць зборнай Ангельшчыны, які скончыўся зь лікам 1:1. Алмэйда быў прызваны ў зборную на адборачныя матчы да чэмпіянату Эўропы 2008 году. У матчы супраць зборнай Азэрбайджану ён забіў свой ​​першы гол за зборную.

Дасягненьні

«Порту»:

• Чэмпіён Партугаліі: 2004, 2006
• Уладальнік Кубка Партугаліі: 2003, 2006
• Пераможца Лігі чэмпіёнаў: 2004

«Вэрдэр»:

• Уладальнік Кубка Нямеччыны: 2009

«Бэшыкташ»:

• Уладальнік Кубка Турэччыны: 2011