Угу Віяна

У́гу Міге́л Фэрэ́йра Го́міш Вія́на (па-партугальску: Hugo Miguel Ferreira Gomes Viana; нар. 15 студзеня 1983 году, Барсэлуш, Партугалія) — партугальскі футбаліст, паўабаронца нацыянальнай зборнай Партугаліі. Вядомы за гульні ў складзе «Бэнфікі», «Брагі» й «Спортынгу». Добра вядомы сваімі здольнасьцямі да выкананьня стандартаў і пасоў. Пачаўшы сваю спартовую кар’еру Угу ў дзевятнаццаць гадоў накіраваўся за мяжу, спачатку ў Ангельшчыну, а потым у Гішпанію, перш чым спыніцца на партугальскім клюбе «Брага».

Угу Віяна
Пэрсанальная інфармацыя
Нарадзіўся	15 студзеня 1983(1983-01-15)[1][2][3] (42 гады) Барсэлуш[d]
Рост	178 см
Вага	74 кг
Пазыцыя	паўабаронца
Клюбы
Гады	Клюб	Гульні (галы)¹
2001—2002	Спортынг Лісабон	26 (1)
2002—2005	Ньюкасл Юнайтэд	39 (2)
2004—2005	→ Спортынг Лісабон	32 (6)
2005—2010	Валенсія	44 (2)
2007—2008	→ Асасуна	9 (1)
2009—2010	→ Брага	28 (4)
2010—2013	Брага	79 (12)
2013—2015	Шабаб Аль-Аглі[d]	27 (3)
2015—2016	Аль-Васл[d]	37 (2)
Зборныя
2001—2004	Партугалія (да 21)[d]	22 (3)
2001—2012	Партугалія	29 (1)

Кар’ера

Раньнія гады

Угу Віяна пачаў сваю кар’еру ў клюбе «Спортынг» (Лісабон). Пасьля таго, як ён атрымаў тытул найлепшага маладога футбаліста году ў Эўропе ў 2002 годзе, ён быў набыты ангельскім клюбам «Ньюкасл Юнайтэд» за 12 млн эўра^[4], за які адгуляў два сэзоны, але гэтак і ня стаў лідэрам каманды, а затым і зусім перастаў трапляць у склад, пасьля чаго вярнуўся на правах арэнды ў «Спортынг»^[5], а затым быў арандаваны «Валенсіяй», які вырашыў выкупіць трансфэр Віяны за 2,250 млн эўра^[6]. У сэзоне 2006—2007 гадоў Угу прыйшлося вытрымліваць канкурэнцыю за месца ў складзе ад Рубэна Барахі й Давіда Альбэльды, якую ён прайграў і быў арандаваны клюбам «Асасуна»^[7], але там ён атрымаў сур’ёзную траўму, якая не дазволіла яму трэніравацца на працягу чатырох месяцаў, а пасьля Віяну прыйшлося вытрымаць працяглы пэрыяд аднаўленьня. У сэзоне 2008—2009 гадоў Віяна на поле ў чэмпіянаце не выходзіў, абмежаваўшыся трыма матчамі на Кубак УЭФА й Кубак Гішпаніі.

«Брага»

31 ліпеня 2009 году Віяна быў аддадзены ў арэнду клюбу «Брага» на адзін сэзон, тым самым вярнуўшыся ў Партугалію праз тры гады пасьля выступленьняў за лісабонскі клюб^[8][9].

Міжнародная кар’ера

У зборнай Партугаліі Віяна дэбютаваў 14 лістапада 2001 году ў матчы супраць зборнай Анголы, якая скончылася перамогай партугальцаў зь лікам 5:1.

Дасягненьні

«Спортынг»:

• Чэмпіён Партугаліі: 2002
• Уладальнік Кубка Партугаліі: 2002

«Брага»:

• Уладальнік Кубка партугальскае лігі: 2013

«Аль-Ахлі»:

• Чэмпіён ААЭ: 2014
• Уладальнік Супэркубка ААЭ: 2013
• Уладальнік Кубка лігі ААЭ: 2014