Уладзімер Коранеў

Уладзімер Ко́ранеў (20 чэрвеня 1940, Севастопаль — 2 студзеня 2021, Масква) — савецкі і расейскі актор тэатру і кіно. Народны артыст РФ (1998)^[2].

Уладзімер Коранеў
па-расейску: Владимир Борисович Коренев
Дата нараджэньня	20 чэрвеня 1940(1940-06-20)
Месца нараджэньня	Севастопаль, Крымская аўтаномная савецкая сацыялістычная рэспубліка[d], РСФСР, СССР
Дата сьмерці	2 студзеня 2021(2021-01-02)[1] (80 гадоў)
Месца сьмерці	Масква, Расея
Прычына сьмерці	Ковід-19
Месца пахаваньня	Увядзенскія могілкі[d]
Месца вучобы	Расейскі ўнівэрсытэт тэатральнага мастацтва[d]
Занятак	актор, тэатральны пэдагог, прафэсар унівэрсытэту
Месца працы	Маскоўскі драматычны тэатар імя Станіслаўскага[d]
Узнагароды
IMDb	ID 0466186
Сайт	korenev.narod.ru (рас.)

Жыцьцяпіс

Нарадзіўся ў сям’і будучага контр-адмірала Барыса Коранева (1913—1965).

Дзяцінства прайшло ў Ізмаіле, пазьней сям’я пераехала ў Талін, дзе ў яго зьявілася цікавасьць да літаратуры і тэатру. Аднаклясьніца Ларыса Лужына прывяла Ўладзімера ў драмгурток, якім кіраваў актор Расейскага драматычнага тэатру Іван Расамахін. У гуртку таксама займаліся будучыя акторы Віталь Каняеў, Ігар Ясуловіч і Ліліян Малкіна. Спэктаклі, пастаўленыя пад кіраўніцтвам Расамахіна, паказвалі ня толькі на школьнай, але і на прафэсійнай сцэне^[3].

Пасьля заканчэньня школы Коранеў абраў прафэсію актора і ў 1957 годзе паступіў у ГІТІС ў майстэрню народнага артыста РСФСР Рыгора Конскага і народнай артысткі СССР Вольгі Андроўскай, вучняў Станіслаўскага і Неміровіча-Данчанкі^[4].

Ён вучыўся на апошнім курсе, калі зь Ленінграду ў Маскву прыехаў асыстэнт па акторах шукаць выканаўцу на галоўную ролю ў фільме «Чалавек-амфібія» (рэжысэру Ўладзімеру Чаботарову на ролю Іхтыяндра патрэбен быў артыст, якога ніхто б ня ведаў). Пасьля выхаду фільму (які стаў лідэрам савецкага кінапракату 1962 гаду) Коранеў стаў знакаміты як «Чалавек-амфібія», стаўшы сэкс-сымбалем СССР^[5].

У 1961 годзе прыйшоў у трупу Маскоўскага драматычнага тэатру імя К. С. Станіслаўскага, куды яго запрасіў Міхаіл Яншын, які кіраваў тэатрам у той час. З тых часоў Уладзімер Коранеў быў вядучым артыстам трупы.

Да 2015 году — прафэсар, мастацкі кіраўнік факультэту тэатральнага мастацтва Інстытуту гуманітарнай адукацыі і інфармацыйных тэхналёгіяў. Пасьля заканчэньня 2014—2015 навучальнага году факультэт расфармаваны з прычыны адсутнасьці прыбытку.

Памёр 2 студзеня 2021 году на 81-м годзе жыцьця ў Маскве ад COVID-19^[6].