Уладзімер Папруга

Уладзі́мер Папру́га (нарадзіўся ў 1961 годзе, Менск) — беларускі архітэктар-рэстаўратар.

Уладзімер Папруга лац. Uładzimier Papruha
Род дзейнасьці	рэстаўрацыя
Дата нараджэньня	1960 год
Месца нараджэньня	Менск, Беларуская ССР, СССР
Занятак	архітэктар

Біяграфія

Скончыў архітэктурны факультэт Беларускага політэхнічнага інстытуту (1983), працаваў у праектным інстытуце Белдзяржпраект. Навучаўся ў Рымскім цэнтры ЮНЭСКО, прайшоў майстар-курс у Вэнэцыі (1998). Выступаў лектарам на тэму гістарычна-культурнай спадчыны Менску на міжнародным кангрэсе ICOMOS (Канада)^[1].

Працаваў на рэстаўрацыі палаца фон Зайдліцаў у Познані (Польшча). Вярнуўся ў Беларусь, каб займацца сыстэмным аднаўленьнем і разбудовай Менску. У 2002—2007 гадах распрацаваў падрабязны навукова абгрунтаваны праект вырашэньня ўсіх будаўнічых і транспартных праблемаў места^[2].

У 2002—2007 гадах займаў пасаду галоўнага дзяржаўнага інспэктара па ахове гістарычна-культурнай спадчыны Менгарвыканкаму, аднак мусіў сысьці празь немагчымасьць спыніць зьнявечаньне цэнтру Менску^[3].