Уладзімер Шаблінскі

Уладзімер Шаблінскі (нар. 1970, Менск, цяпер Беларусь) — беларускі музычны прадусар.

Уладзімер Шаблінскі
Род дзейнасьці	музычны прадусар
Дата нараджэньня	1970 (55 гадоў таму)
Месца нараджэньня	Менск, Беларуская ССР, Савецкі Саюз
Грамадзянства	Беларусь
Месца вучобы	Эўрапейскі гуманітарны ўнівэрсытэт
Занятак	музычны прадусар
Месца працы	агенцыя «Лінія гуку»
Гады дзейнасьці	ад 1993 году
Вядомы як	канцэртны дырэктар гурту «Незалежная Рэспубліка Мроя»
Жонка	Аксана Шаблінская
Дзеці	дочкі: малодшая Ева

Дырэктар канцэртных агенцыяў «Лінія гуку» і «Шаблі», уладальнік аграсядзібы «Шаблі».

Біяграфія

Нарадзіўся ў 1970 годзе ў Менску. Скончыў Менскі энэргетычны тэхнікум і Мас-мэдыя-цэнтр пры ЭГУ. У маладосьці быў салістам гурту «Шабаш». З 1993-га па 1996-ы год працаваў вядоўцам музычных праграм на радыёстанцыі «Радыё Бі-Эй». У 1997 заснаваў канцэртную агенцыю «Лінія гуку», працяглы час працаваў канцэртным дырэктарам рок-гурту N.R.M.

У 2004 годзе набыў хутар у вёсцы Малое Запрудзьдзе (Валожынскі раён), які стаў аграсядзібай і атрымаў назву «Шаблі». Каб набыць сядзібу за 1500 даляраў у мінулых сямейных гаспадароў, прадаў пазадарожнік «Міцубісі Паджэра». Дагэтуль жыў у Менску на вуліцы Калініна (Першамайскі раён) з жонкай Аксанай і дачкой. Пачаў катаць падарожнікаў па ваколіцах на роварах і квадрацыклах^[1].

Аграсядзіба «Шаблі» стала папулярнай пляцоўкай для правядзеньня музычных фэстываляў, такіх як "Вольнае паветра", «Пікнік.by», «Шаманы Шаблі». У 2014 годзе драўляная сядзіба згарэла, бо сябры распалілі камін і выйшлі ў поле^[1].