Умбэрта Саба

Умбэрта Саба (па-італьянску: Umberto Saba, 9 сакавіка 1883, Трыест — 25 жніўня 1957, Гарыцыя) — італьянскі паэт.

Умбэрта Саба
Асабістыя зьвесткі
Нарадзіўся	9 сакавіка 1883(1883-03-09)[1][2][3] Трыест, Аўстра-Вугоршчына[4]
Памёр	25 жніўня 1957(1957-08-25)[5][3][4] (74 гады) Гарыцыя[d], Фрыулі-Вэнэцыя-Джулія, Італія[4]
Дзеці	Лінучыя Саба[d]
Літаратурная дзейнасьць
Род дзейнасьці	паэт, пісьменьнік, эсэіст, журналіст
Гады творчасьці	з 1900
Жанр	Канцона, санэт, тэрцына, эсэ і раман
Мова	італьянская мова[6] і славенская
Узнагароды	Прэмія Віярэджа[d] (1946)
Подпіс
Умбэрта Саба ў Вікісховішчы

У першых зборніках вершаў («Маімі вачыма», 1912, і інш) Саба разьвівае традыцыі Дж. Пасколі, тонка перадаючы адчуваньне прыроды. З 1921 вершы аб’ядноўваюцца пад назву «Канцаньерэ» — «Сьпеўнік», куды ўключаюцца наступныя зборнікі. Глыбіня і сіла паэтычнага бачаньня Саба вызначыліся ў зборніках «Слова» (1934), «Апошнія тварэньні» (1944 г.), дзе мэлянхолія, сузіральнасьць паэзіі гермэтызму, зь якой быў зьвязаны паэт, злучалася з багатай мэлёдыкай рытмічнага белага верша. Паэтычная споведзь Саба адрозьніваецца выразнасьцю думкі і формы, спачуваньнем да людзкіх пакут. У зборніках «Міжземнаморскае» (1947), «Амаль аповяд» (1951) і іншых паэт выкрывае вайну і нацызм, паэтызуе працу, заклікае да пераадоленьня адчужэньня. Творы Саба перакладзены на шматлікія мовы.

Беларускія пераклады

На беларускую мову вершы Ўмбэрта Саба перакладалі Аксана Данільчык^[7] і Лявон Баршчэўскі.

• Выбраныя вершы / Умбэрта Саба. — Мінск : Зміцер Колас, 2018. — 82, [1] с. — («Паэты планеты»). Пераклад Л. Баршчэўскага.