Фонд аплаты працы

Фонд аплаты працы^[1] — выплаты, якія ўключаюць усе выдаткі, прадпрыемства, ўстановы, грамады на аплату працы незалежна ад крыніцаў сродкаў для выплат (уключаючы грошы), налічаных працаўнікам за невыраблены час, калі за ім у адпаведнасьці з правам Беларусі захоўваецца заработная плата, а таксама стымулюючыя і кампэнсацыйныя выплаты.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Фонд.

Даходы

Для фонда аплаты працы выкарыстоўваюцца любыя даходы (грашовыя і неграшовыя сродкі), якія можна выплаціць працаўніку за яго працу.

Выдаткі

Выдаткі на аплату працы працаўнікоў адносяцца:

• заробленая плата:
  • час працы для часовых працаўнікоў
  • зьдзельная праца для працаўнікоў, якія маюць аплату ад зьдзельнае ацэнкі
  • тарыфная стаўка
  • пасадовы аклад
• вартасьць вырабаў прадпрыемства, якія будуць выдадзеныя працаўнікам для аплаты іх працы
• надбаўкі і даплаты жа пасадовых акладаў і тарыфных ставак
• прэміі для працаўнікоў, службоўцаў, кіраўнікоў
• аплата асобных перапынкаў, якія прадугледжаныя заканадаўствам Беларусі
• аплата штогадовых і дадатковых адпускоў, грашовыя кампэнсацыі за невыкарыстаны водпуск
• аплата за працу ў выхадныя й сьвяточныя дні, працу ў звышурочны час
• аднаразовая выплата (адсоткавая надбаўка^[a]) за выслугу гадоў, стаж працы (надбаўка за асобны стаж працы на дадзеным прадпрыемстве)
• выплаты па раённых каэфіцыентах і іншым раённым ільготам
• аплата працы людзей, якія знаходзяцца па-за штатам прадпрыемства
• прэміі па выніках працы, за садзейнічаньне вынаходніцтва, стварэньне, асваеньне новае тэхнікі і г.д.
• цана дармовых дворскіх службаў^[b], харчаваньня, ежы
• аплата прастоеў не па віне працаўнікоў
• выплата польных выплат^[c]
• выплаты за шкоднасьць працы і за адступленьне ад нармальных ўмоваў працы
• выхадныя выплаты^[d]
• і інш.

Ня могуць быць аднесеныя на выдаткі фонду аплаты працы наступныя выдаткі, бо яны адносяцца да фонду спажываньня^[e] або іншых рэзэрваў:

• ўзнагароды па выніках працы за год
• матэрыяльная дапамога
• аднаразовая дапамога асобам, якія доўга рабілі на дадзеным прадпрыемстве (т. зв. "вэтэраны працы")
• стыпэндыя послухам (студэнтам, вучням), якія былі накіраваныя прадпрыемствам на вучобу ў адпаведную навучальную ўстанову
• даходы (дывідэнты, адсоткі), якія выплачваюць заснавальнікам (акцыянэрам, удзельнікам, таварышам)
• аднаразовая выплата работнікам за выкананьне вельмі важных вытворчых даручэньняў
• аплата дадатковых адпускоў, у тым ліку адпускоў жанчын, якія гадуюць ва ўзросьце да 3 год, звыш прадугледжаных заканадаўствам Беларусі
• прэміі за стварэньне, асваеньне новае тэхнікі па выніках спабораў, конкурсу, адбораў
• выдаткі на прадастаўленьне грамадзкіх ільготаў у выглядзе аплаты харчаваньня (акрамя асобнага харчаваньня), праезду, жыльля, прадастаўленьня аднаразовае пазыкі.

Адказнасьць

Выдача грошай на выплату зарплаты — важнейшыя выдаткі прадпрыемства. Нагляд за іх выдаткоўваньнем зьдзяйсьняе ўправа прадпрыемства, заснавальнік прадпрыемства, падатковая інпэкцыя, банк, які абслугоўвае прадпрыемства.

На самім прадпрыемстве нагляд за расходамі фонду аплаты працы ажыцьцяўляе:

• управа прадпрыемства
• аддзел працы і заработнае платы
• аддзел эканамістаў
• бухгальтэрыя
• прафэсійны саюз — г. зв. «грамадзкі нагляд»

Расходы фонду аплаты працы правяраюцца на правільнасьць прызначэньня акладу, тарыфнае стаўкі, прэміяў і г. д.

Перавыдатак

Перавыдатак фонду аплаты працы можа быць з-за нявернага прымяненьня зьдзельных расцэнак, наяўнасьці звышурочнай працы і прастоеў, шкоды і лішняй (непатрэбнай) працы, няправільнага лічэньня зарплаты, завышэньня колькасьці (штату) працаўнікоў і службоўцаў.

За перавыдатак фонду павінныя быць пакараныя вінныя працаўнікі.

Глядзіце таксама

• КТУ