Фразынонэ (футбольны клюб)

«Фразынонэ» (па-італьянску: Frosinone) — італьянскі футбольны клюб з гораду Фразынонэ. Заснаваны ў 1906 годзе.

Фразынонэ
Поўная назва	Frosinone Calcio SRL
Заснаваны	1906
Горад	Фразынонэ, Італія
Стадыён	Матуза Умяшчальнасьць: 10 000
Прэзыдэнт	Маўрыцыё Стырпэ[d]
Галоўны трэнэр	Леандра Грэка[d][1]
Чэмпіянат	Сэрыя Б
· 2024—2025	15 месца
Галерэя здымкаў у Вікісховішчы frosinonecalcio.com (італ.)

Гісторыя

Футбольны клюб «Фразынонэ» паўстаў 5 сакавіка 1906 году дзякуючы намаганьням праўніка і будучага мэру гораду Леонэ Віволі^[2]. Колеры каманды былі першапачаткова чырвона-сінімі паводле гербу гораду^[3], але пазьней яны была замененыя на жоўты і сіні. Да стварэньня каманды ў рэгіёне Ляцыё існавалі толькі два клюбы, як то «Ляцыё» і «Формія». Як плянавалася клюб мусіў улучаць ня толькі футбольнае каманду, але яшчэ дружыны ў іншых відах спорту. Першапачаткова каманда гуляла на пляцоўцы на вуліцы Казыліна Норд, пакуль у 1932 годзе ня быў пабудаваны і адкрыты стадыён Матуза.

У 1923 годзе каманда далучылася да Італьянскай фэдэрацыі футболу і пачала спаборнічаць у рэгіянальных лігах, далучыўшыся да чацьвертага дывізіёну чэмпіянату Ляцыё. У складзе клюбу гулялі і дасьведчаныя гульцы. Гэтак колеры «Фразынонэ» абараняў Вінчэнца Фрэзія, які быў чатырохразовым чэмпіёнам Італіі ў складзе Про Вэрчэльлі, а таксама ўваходзіў у склад нацыянальнай зборнай Італіі. На той час ён служыў лейтэнантам у Фразынонэ ў 59-м стралковым палку. У канцы дзесяцігодзьдзя спартовая дзейнасьць у «Фразынонэ» атрымала новы імпульс ад фашысцкае палітыкі стымулаў да фізычных практыкаваньняў і спорту^[4], а таксама праз стварэньне асобнай правінцыі Фразынонэ, дзякуючы чаму клюб мог спадзявацца на большыя грошы. У 1930-х гадах клюб палепшыў вынікі, але праз Другую сусьветную вайну спартовыя спаборніцтвы былі спыненыя, а клюб зьнік.

Адраджэньне «Фразынонэ» прыпала на чэмпіянат 1945—1946 гадоў, калі каманда далучылася да адной зь ніжэйшых ліг. З 1952 па 1958 гады клюб спабонічаў у чацьвертым дывізіёне.