Франк Рыбэры

Франк Рыбэры́ (па-француску: Franck Ribéry; нар. 7 красавіка 1983 году, Булёнь-сюр-Мэр, Францыя) — былы францускі футбаліст, паўабаронца. Гулец нацыянальнай зборнай Францыі.

Франк Рыбэры
Пэрсанальная інфармацыя
Нарадзіўся	7 красавіка 1983(1983-04-07)[1][2][3][…] (42 гады) Булёнь-сюр-Мэр
Рост	170 см
Вага	72 кг
Пазыцыя	флянгавы паўабаронца
Клюбы
Гады	Клюб	Гульні (галы)¹
2000—2002	Булёнь[d]	28 (6)
2002—2003	Алімпік Алес[d]	19 (1)
2003—2004	Брэст	35 (3)
2004—2005	Мэц	20 (1)
2005	Галатасарай	14 (0)
2005—2007	Алімпік Марсэль	60 (11)
2007—2019	Баварыя	273 (86)
2019—2021	Фіярэнтына	50 (5)
2021—2022	Салернітана	24 (0)
Зборныя
2006—2014	Францыя	81 (16)

Клубная кар’ера

Францускія клюбы

Пачынаў сваю кар’еру ў 2001 годзе ў камандзе «Булёнь», якая гуляла ў 2-й францускай лізе. У наступным сэзоне перайшоў у клюб клясам ніжэйшым у «Алімпік» з Алезу. Некаторы час не гуляў у футбол з-за фінансавых праблемаў, і некалькі месяцаў працаваў дарожным рабочым. У 2003—2004 гадах выступаў за «Брэст», у 2004 годзе перайшоў у «Мэц».

«Галатасарай»

У 2005 годзе Франк перайшоў у «Галатасарай», які неўзабаве пакінуў з-за нявыплаты заробку. У складзе «Галатасараю» стаў пераможцам кубку Турэччыны.

«Алімпік»

Франк перайшоў на правах вольнага агента ў «Алімпік Марсэль» у 2005 годзе. У 2006 годзе са зборнай Францыяй стаў фіналістам чэмпіянату сьвету.

«Баварыя»

7 чэрвеня 2007 году перайшоў у мюнхэнскую «Баварыю», падпісаўшы чатырохгадовы кантракт за рэкордныя для клюбу 25 мільёнаў эўра. Рыбэры атрымаў футболку пад нумарам 7, якая вызвалілася па завяршэньні кар’еры Мэхмэта Шоля, легенды клюбу, у канцы сэзону 2006—2007 гадоў. Рыбэры паказаў сябе як шматбаковы й хуткі паўабаронца, які забясьпечваў шматлікімі пасамі двух форвардаў клюбу: Міраслава Клёзэ і Люку Тоні.

Кар’ера ў зборнай

У нацыянальнай зборнай Францыі дэбютаваў у траўні 2006 году ў матчы супраць Мэксыкі.

Дасягненьні

«Галатасарай»:

• Уладальнік Кубка Турэччыны: 2005

«Марсэль»:

• Уладальнік Кубка Інтэртота: 2005

«Баварыя»:

• Чэмпіён Нямеччыны: 2008, 2010, 2013, 2014, 2015, 2016, 2017, 2018, 2019
• Уладальнік Кубка Нямеччыны: 2008, 2010, 2013, 2014, 2016, 2019
• Уладальнік Кубка Лігі Нямеччыны: 2007
• Уладальнік Супэркубка Нямеччыны: 2012, 2016, 2017, 2018
• Пераможца Лігі чэмпіёнаў: 2013
• Уладальнік Супэркубка Эўропы: 2013
• Перамжца клюбнага чэмпіянату сьвету: 2013

Францыя:

• Срэбраны прызэр чэмпіянату сьвету: 2006

Асабістае жыцьцё

Калі Рыбэры было 2 гады, ён і ягоная сям’я патрапілі ў сур’ёзную аўтакатастрофу ў Булёні-сюр-Мэр. Аўтамабіль, у якім яны ехалі, сутыкнуўся з грузавіком, і Франк стукнуўся тварам аб ветравое шкло. Пасьля гэтай падзеі на правай частцы твару ў яго засталіся два доўгіх шнары. Рыбэры прапаноўвалі правесьці плястычную апэрацыю, якая б цалкам выдаліла гэтыя шнары, але ён адмовіўся, матывуючы гэта тым, што яны робяць яго мацней^[4].

Франк прыняў іслам і жанаты на альжырцы па імені Вагіба й мае зь ёй двух дачок. Малодшая дачка нарадзілася 9 студзеня 2008 году ў Парыжы.