Франсабанк

«Франсабанк» — камэрцыйны банк Беларусі, які існаваў у 1994—2022 гадох.

«Франсабанк»
Тып	ААТ[d]
Заснаваная	5 кастрычніка 1994
Краіна	Беларусь
Разьмяшчэньне	Менск
Адрас	Першамайскі раён, прасп. Незалежнасьці, д. 95а
Закрытая	4 траўня 2022[1]
Ключавыя фігуры	Ібрагім Калейлат
Галіна	сфэра паслугаў
Прадукцыя	банкаўскі рахунак, грашовы перавод, уклад
Матчына кампанія	«Франсабанк С. А. Л.» (Лібан)
fransabank.by

Памер статутнага фонду складаў 113 704,4 млн руб. (2013)^[2]. 99,9% акцыянэрнага капіталу належалі лібанскім кампаніям «Франсабанк С. А. Л.» (88,0769%) і «Франсахолдынг» (11,8858%)^[3].

Дзейнасьць

Банк меў аддзяленьні ў Берасьці, Гомлі, Горадні, Лідзе й Менску^[4].

Рэквізыты

Юрыдычны адрас: Менск, пр. Незалежнасьці, 95А.

УНП 100755021. АКПА 37364837. БІК 153001266^[5].

S.W.I.F.T. GTBN BY 22.

Мінуўшчына

Банк зарэгістраваны 5 кастрычніка 1994 року^[6] пад назваю ААТ Банк «Залаты талер». У 2008 «Залаты талер» быў набыты лібанскімі юрыдычнымі асобамі «Fransabank S. A. L.» і «Fransaholding» і быў перайменаваны ў «Франсабанк»^[7].

26 красавіка 2022 году Ўправа Нацыянальнага банку Беларусі ўхваліла Пастанову № 171 аб дзяржаўным уліку далучэньня «Франсабанку» да «Альфа-Банку», якая набыла моц 4 траўня 2022 году^[8].