Фэлікс Аксёнцаў

Фэлікс Аксёнцаў (нар. 25 студзеня 1964, Менск, БССР) — паэт, былы ўдзельнік гурта «ULIS», аўтар словаў да песень трох першых альбомаў «Улісу»: «Чужаніца» (1989), «Краіна доўгай белай хмары» (1991), «Танцы на даху» (1993).

Фэлікс Аксёнцаў
Дата нараджэньня	25 студзеня 1964(1964-01-25) (61 год) або 1964[1]
Месца нараджэньня	Менск
Грамадзянства	Беларусь
Занятак	паэт, пісьменьнік
Навуковая сфэра	паэзія[1]
Гурты	«ULIS»
Сайт	vershy.ru/category/felik…

Таксама выдаў кнігі вершаў на расейскай мове: «па-расейску: После всего» («Пасьля ўсяго») (Менск, 1991), «па-расейску: Пустая карта» («Пустая мапа») (Менск, 1996), «па-расейску: Перекати-Море» (сумесна з мастаком Алекс Крыгель, Менск, Логвінаў, 2017), білінгвальны зборнік «па-расейску: Междуречье»  (ЗША, 2021), зборнік тэкстаў беларускіх песень «Марнатраўны Сын» (Прага, Вясна, 2023) і білінгвальны зборнік «2/3» (Бэрлін, hochroth Minsk, 2025).

У 1996 годзе зьехаў у Ванкувэр (Канада), дзе жыў дзесяць гадоў у самаізаляцыі. Афіцыйна прыняў дзэн-будызм. Працаваў праграмістам, аналітыкам, праектным мэнэджэрам. У 2006 годзе атрымаў міжнародную кваліфікацыю мэнэджэра праектаў. З сакавіка 2008 году працаваў ва Ўнівэрсытэце Брытанскай Калюмбіі.

Мае інтэрнэт-дзёньнік новых вершаў.

Літаратура

• Д. П. АКСЦЁНЦАЎ ФЭЛІКС (Аксцёнцев Феликс, Felix S. Aksentsev) // Энцыклапедыя беларускай папулярнай музыкі (бел.) / уклад. Дз. Падбярэзскі і інш. — Мінск: Зміцер Колас, 2008. — С. 10. — 368 с. — 2000 ас. — ISBN 978-985-6783-42-8