Фэлікс Мёлер

Фэлікс Мёлер (па-швэдзку: Felix Möller; нар. 4 верасьня 2002 году) — швэдзкі гандбаліст дацкага клюбу «Ольбарг» і нацыянальнай зборнай Швэцыі. Гуляе на пазыцыі лінейнага гульца. Ягоны старэйшы брат Сыман таксама ёсьць гандбалістам, як і іхны бацька Пэтэр быў калісьці гандбалістам^[2].

Фэлікс Мёлер
Пэрсанальная інфармацыя
Нарадзіўся	4 верасьня 2002(2002-09-04)[1] (23 гады) Henstedt-Ulzburg[d], Segeberg District[d], Шлезьвіг-Гальштайн, Нямеччына[1]
Рост	195 см[1]
Клюбная інфармацыя
Клюб	Ольбарг
Нумар	20
Клюбы
Гады	Клюб
2019—2024	Сэвэгоф[d]
2024—4	Ольбарг
Зборныя
2021—4	Швэцыя

Кар’ера

Клюбная

Гулец пачаў займацца гандболам у 2009 годзе ў моладзевай акадэміі клюбу «Сэвэгоф». У складзе гэтай каманды ён двойчы станавіўся чэмпіёнам Швецыі сярод юнакоў. У сэзоне 2019—2020 гадоў гандбаліст дэбютаваў у асноўнай камандзе клюбу. У сэзоне 2020—2021 гадоў у складзе каманды стаў чэмпіёнам Швэцыі. З камандай далей яшчэ здабываў Кубак Швэцыі і яшчэ раз здабываў чэмпіёнскі тытул. У 2023 і 2024 гадах улучаўся ў сымбалічную зборную айчыннага першынства. Улетку 2024 году далучыўся да дацкага клюбу «Ольбарг»^[3].

Міжнародная

Дэбютаваў у складзе зборнай Швэцыі 4 лістапада 2021 году ў матчы супраць зборнай Польшчы ў Мальмё. Быў у складзе зборнай на пераможным чэмпіянаце Эўропы 2022 году, але на пляцоўцы амаль не зьяўляўся, правёўшы за пяць матчаў толькі блізу хвіліны^[4].