Фэрнанда Гага

Фэрна́нда Рубэ́н Га́га (па-гішпанску: Fernando Rubén Gago; нар. 10 красавіка 1986 году, Сьюдадэля, Аргентына) — былы аргентынскі футбаліст. Гулец нацыянальнай зборнай Аргентыны, які выступаў на пазыцыі апорнага паўабаронцы.

Фэрнанда Гага
Пэрсанальная інфармацыя
Нарадзіўся	10 красавіка 1986(1986-04-10)[1][2][3] (39 гадоў) Сьюдадэля[d], Трэс-дэ-Фэбрэра[d], Буэнас-Айрэс, Аргентына
Рост	178 см
Вага	70 кг
Пазыцыя	апорны паўабаронца
Клюбы
Гады	Клюб	Гульні (галы)¹
2004—2007	Бока Хуніёрс	61 (1)
2007—2012	Рэал Мадрыд	92 (1)
2011—2012	→ Рома	30 (1)
2012—2013	Валенсія	13 (0)
2013	→ Вэлес Сарсьфільд[d]	3 (0)
2013—2019	Бока Хуніёрс	85 (5)
2019—2020	Вэлес Сарсьфільд[d]	14 (0)
Зборныя
2005	Аргентына (да 20)[d]	15 (0)
2007—2017	Аргентына	61 (0)
2008	Аргентына (да 23)[d]	9 (0)
Трэнэрскія клюбы
2021	Альдасіві[d]
2021—2023	Расінг Авэльянэда
2024	Гвадаляхара
2024—2025	Бока Хуніёрс

Кар’ера

«Бока Хуніёрс»

Гага, які прыйшоў у дарослую каманду клюбу «Бока Хуніёрс» зь юнацкай, дэбютаваў у асноўным складзе 5 сьнежня 2004 году ў гульні супраць «Кільмэса», якая скончылася перамогай «Хуніёрс» зь лікам 1:0. Нягледзячы на малады ўзрост, ён хутка стаў асноўным гульцом паўабароны клюбу, і яго сталі часьцяком параўноўваць з Фэрнанда Рэдонда. Ягоная ўпэўненая гульня выклікала цікавасьць да яго з боку такіх гішпанскіх клюбаў, як «Рэал» і «Барсэлёна».

«Рэал»

15 лістапада 2006 году прэзыдэнт «Рэала» Рамон Кальдэрон ухваліў падпісаньне Гага й ягонага суайчыньніка Гансалё Ігуаіна. Кантракт Гага з «Рэалам» быў падпісаны 19 сьнежня 2006 году, сума трансфэру склала 20,4 млн эўра.

Дэбют Гага ў «Рэале» адбыўся 7 студзеня 2007 году ў матчы гішпанскай Прымэры супраць «Дэпартыва». «Рэал» перамог у гэтай гульні зь лікам 2:0. Пасьля шэрагу памылак, учыненых ім на полі, Гага быў заменены ў сваім першым матчы на Раналда. Праз тыдзень, у наступнай гульні за клюб супраць «Сарагосы», Гага пацьвердзіў сваю значнасьць на футбольным полі. Ягоная гульня дастаўляла нязручнасьці супернікам, ён дэманстраваў выдатнае бачаньне поля й абвастрэньні атакі сваёй каманды. «Рэал» абыграў «Сарагосу» зь лікам 1:0 дзякуючы голу Руўда ван Ністэльроя.

«Рома»

31 жніўня 2011 году Гага адправіўся ў гадавую арэнду ў італьянскую «Рому»^[4][5]. Напрыканцы сэзону Гага паведаміў, што хоча застацца ў «Роме».

«Валенсія»

19 ліпеня 2012 году было абвешчана аб пераходзе Гага з «Рэалу» ў «Валенсію», як паведамлялася за 3,5 млн эўра^[6]. Дэбютаваў Фэрнанда ў складзе свайго новага клюбу 19 жніўня 2012 году ў гульні супраць свайго былога клюбу «Рэалу». Матч скончыўся ўнічыю зь лікам 1:1, Фэрнанда адгуляў усе 90 хвілінаў матча^[7]. 2013 году правёў у арэндзе ў клюбе «Вэлес Сарсьфільд», дзе стаў чэмпіёнам Аргентыны.

Вяртаньне ў «Боку»

У 2013 годзе было афіцыйна пацьверджана, што аргентынскі клюб «Бока Хуніёрс», за які Фэрнанда пачынаў сваю прафэсійную кар’еру, выкупіў 50% правоў на гульца ў «Валенсіі» за плату ў памеры 1,7 млн эўра.

Міжнародная кар’ера

Хоць Фэрнанда й ня быў абраны ў лік гульцоў зборнай Аргентыны да чэмпіянату сьвету 2006 году ў Нямеччыне, ён атрымаў заклік праз год і гуляў у 2007 годзе Кубку Амэрыкі. З тых часоў ён быў сталым чальцом каманды.

Дасягненьні

«Бока Хуніёрс»:

• Чэмпіён Аргентыны: 2005, 2006, 2015, 2017, 2018
• Уладальнік Паўднёваамэрыканскага кубка: 2005
• Уладальнік кубка Аргентыны: 2015
• Пераможца Рэкопы Паўднёвай Амэрыкі: 2005, 2006

«Рэал»:

• Чэмпіён Гішпаніі: 2007, 2008
• Уладальнік Кубка Гішпаніі: 2011
• Уладальнік Супэркубка Гішпаніі: 2008

«Вэлес Сарсьфільд»:

• Чэмпіён Аргентыны: 2013

Аргентына:

• Пераможца алімпійскіх гульняў: 2008

Асабістае жыцьцё

27 ліпеня 2011 году Фэрнанда пабраўся шлюбам з аргентынскай тэнісісткай Жысэле Дулька^[8].