Харальная сынагога (Слуцак)

Харальная сынагога^[a] — помнік архітэктуры другой паловы XIX стагодзьдзя ў Слуцку. Знаходзілася ў цэнтры места, на рагу вуліцаў Віленскай і Садовай. Твор архітэктуры эклектыкі.

Помнік сакральнай архітэктуры
Харальная сынагога
Харальная сынагога. М. Філіповіч, 1925 г.
Краіна	Беларусь
Места	Слуцак
Каардынаты	53°01′48″ пн. ш. 27°32′46″ у. д.
Дата заснаваньня	1880
Дата скасаваньня	1944
Харальная сынагога на мапе Беларусі Харальная сынагога
Харальная сынагога на Вікісховішчы

Гісторыя

Сынагога. М. Філіповіч, 1924 г.

Мураваную Харальную сынагогу ў Слуцку збудавалі ў другой палове XIX ст.

У 1930-я гады савецкія ўлады зачынілі сынагогу і перарабілі яе будынак пад кінатэатар «Радзіма». За часамі Другой сусьветнай вайны ў 1944 годзе будынак зруйнавалі.

Архітэктура

Помнік архітэктуры эклектыкі. Гэта быў прастакутны ў пляне аб’ём, накрыты 2-схільным дахам з прычолкам. Сьцены праразаліся выцягнутымі ўгору аркавымі аконнымі праёмамі. Вонкавым элемэнтам дэкору быў выразны малюнкам карнізны пас, у ламаную лінію якога ўлучаліся надваконныя сандрыкі. Уваход быў з боку Садовай вуліцы.

Унутраная прастора падзялялася на асноўную частку, вэстыбюль і разьмешчаныя сымэтрычна зь яго бакоў два дадатковыя памяшканьні^[1].

Заўвагі

1. таксама Галоўная сынагога