Хата бацькоў

«Хата бацькоў» — песьня гурта «Дразды» з удзелам Віталя Карпанава, выпушчаная ў кастрычніку 2021 году^[1].

«Хата бацькоў»
Песьня выканаўцы «Дразды» з альбому «Хачу дамоў»
Вокладка відэакліпа
Мова	беларуская
Выдадзеная	1 кастрычніка 2021 (3 гады таму)
Фармат	лічбавы распаўсюд
Жанр	поп-музыка
Працягласьць	4:18
Лэйбл	«Талака»
Аўтар(ы)	Віталь Карпанаў
Кампазытар(ы)	Віталь Карпанаў
Пясьняр(ы)	Віталь Карпанаў
Прадусэр(ы)	Слава Трыбухоўскі
храналёгія самотнікаў
«Будзе добра» (2021) «Хата бацькоў» (2021) «Беларускі Дзед Мароз» (2021)

Па стане на 2025 год на «Ютубе» налічвалася больш за 4 млн праглядаў запісу песьні. «Хата бацькоў» стала вядомай па-за Беларусьсю. Назву песьні патлумачылі наступнымі словамі ў 2023 годзе:

— Усё проста — гэтая тэма блізкая кожнаму беларусу. Мы сталеем, вылятаем з бацькоўскага гнязда, заводзім сем’і, абуладкоўваем свае кватэры. Вядома ж, наведваемся да бацькоў. І ў пэўны час перад кожным з нас паўстае пытанне: а што рабіць з хатаю, дзе ты нарадзіўся і вырас? Яно не дае спакою, яно вельмі балючае. Хтосьці пакідае за сабою гэтае жытло, а хтосьці з сумам прадае, бо абставіны ж у людзей розныя. Але сувязь паміж чалавекам і бацькоўскім домам — гэта назаўсёды. У нашай песні хата — не толькі будынак, а краіна, Радзіма.

— Віталь Карпанаў^[2]

1 кастрычніка 2021 году самотнік выйшаў на 4-х музычных парталах ЗША («Амазон»^[3], «Спотыфай»^[4], «Эпл»^[5] і «Ютуб»^[6]), на 5 — у Расеі («Аднаклясьнікі»^[7], «Звук»^[8], «Мабільныя тэлесыстэмы»^[9], «У кантакце»^[10] і «Яндэкс»^[11]) і на адным — у Францыі («Дызэр»)^[12] і Кітаі («Тыкток»)^[13]. На пачатку лютага 2022 году «Дразды» выступілі зь песьняй «Хата бацькоў» на тэлеканале «Расея-1»^[14]. 17 верасьня 2022 году гурт засьпяваў песьню на сьвяткаваньні Дня народнага адзінства ў «Менск-Арэне»^[15]. Праз сваю папулярнасьць «Хата бацькоў» увайшла ў 3 беларускамоўныя альбомы гурта: «Хачу дамоў» (2023), «Беларусь, ты — мая!» (2023) і «Маё дзяцінства» (2024).

Відэакліп

5 кастрычніка 2021 году выпусьцілі відэакліп на песьню «Хата бацькоў». У стварэньні відэакліпа бралі ўдзел апэратарка Ўладзіслава Марыневіч і мантажор Аляксандар Кацяшоў. Зьвядзеньнем запісу займаўся Дзьмітры Білаш. Аранжыроўку ад гурта «Дразды» выканалі: Ільля Нямыцька (баян) і Сяргей Кісялёў (бас-гітара), Андрэй Маўрын (ударныя) і Раман Гарбацкі (электрагітара), Фёдар Шахлевіч (пэркусія) і Канстанцін Цяўрызаў (саксафон). Здымкі праходзілі на сядзібе Забродзьдзе (Нарачанскі сельсавет). Да 2025 году відэакліп набраў звыш 4-х млн праглядаў^[16].

Верш

У кожнага агеньчык ёсьць У сэрцы і ў вачах Празь цемру і туманы скрозь, Што асвятляе шлях. У кожнага мястэчка ёсьць, Куды душа імкнецца. I што б у жыцьці не адбылось, Яно не прадаецца. Прыпеў: Не прадаецца хата бацькоў, Куток бацькоўскі не прадаецца, Куды вяртаюсь я зноў і зноў, Дзе адчуваю, як сэрца б’ецца. Двум берагам адной ракі Ніколі не сустрэцца, Але безь іх залье лугі, Ракі не застанецца. Так і паміж братоў калі Маланка пранясецца, Суцешыць іх хата бацькоў. Яна не прадаецца. — Віталь Карпанаў, «Хата бацькоў»

Глядзіце таксама

• Паветраны шар
• Я нарадзіўся тут