Хорапуць

Хо́рапуць — рака ў Добрускім раёне Гомельскай вобласьці, левы прыток ракі Іпуці (басэйн Дняпра). Даўжыня 45 км. Плошча вадазбору 528 км². Выдатак вады ў вусьці 2,06 м³/с. Сярэдні нахіл воднай паверхні 0,8‰.

Рака

Хорапуць
Агульныя зьвесткі
Выток	каля в. Чырвоны Арол
Вусьце	Іпуць
Краіны басэйну	Беларусь
Вобласьці	Гомельская вобласьць
Даўжыня	45 км
Сярэднегадавы сьцёк	2,06 м³/с
Плошча басэйну	528 км²
Нахіл воднай паверхні	0,8 ‰

Асноўныя прытокі

• Правыя: Гразьліўка
• Левыя: Чачора

Агульныя зьвесткі

Пачынаецца за 2 км на паўднёвы захад ад вёскі Чырвоны Арол, вусьце на заходняй ускраіне места Добрушу. Рака цячэ Гомельскім Палесьсем.

Даліна трапэцападобная, у вусьці зьліваецца з далінай Іпуці. Абалона пераважна лугавая. Рэчышча каналізаванае на ўсім працягу, шырыня яго 2—3 м у вярхоўі, у вусьці да 12 м. Берагі стромкія, вышынёй да 1,2 м. Прымае сьцёк з мэліярацыйных каналаў^[1].