Царква Ўшэсьця Гасподняга (Ярэмічы)

Царква Ўшэсьця Гасподняга — помнік гісторыі другой паловы XIX стагодзьдзя (мураўёўка) у Ярэмічах. Знаходзіцца ў цэнтральнай частцы колішняга мястэчка, на гістарычным Рынку. Дзее. Твор архітэктуры расейскай эклектыкі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Ўшэсьця Гасподняга (неадназначнасьць).

Помнік гісторыі
Царква Ўшэсьця Гасподняга
Царква Ўшэсьця Гасподняга
Краіна	Беларусь
Вёска	Ярэмічы
Каардынаты	53°34′15.70″ пн. ш. 26°20′45.80″ у. д.
Канфэсія	праваслаўе і Беларуская праваслаўная царква
Эпархія	Наваградзкая япархія[d]
Царква Ўшэсьця Гасподняга на мапе Беларусі Царква Ўшэсьця Гасподняга
Царква Ўшэсьця Гасподняга на Вікісховішчы

Утварае адзіны ансамбль з 2-яруснай брамай-званіцай, завершанай шатром з купалам-цыбулінай.

Гісторыя

каля 1900 г.

Мураваную царкву Ўрадавага сыноду Расейскай імпэрыі (Маскоўскай царквы) у Ярэмічах збудавалі ў 1867 годзе на месцы драўлянай царквы Сьвятога Пасаду, вядомай з 1748 году. У 1879 годзе пры царкве збудавалі драўляную 2-клясную царкоўна-прыходзкую школу.

1941 г.

Па Другой сусьветнай вайне савецкія ўлады зачынілі царкву, будынак якой перарабілі пад склад. У 1989 годзе будынак царквы вярнулі вернікам.

Архітэктура

Прыклад эклектычнай царкоўнай архітэктуры Расейскай імпэрыі. Гэта цэнтрычны крыжова-купальны храм. Цэнтральны кубападобны аб’ём завяршаецца васьмерыковым барабанам з 4-гранным шатром і купалам-цыбулінай. Бакавыя прыдзелы, прытвор і 5-гранная апсыда маюць выгляд аднолькавых прастакутных аб’ёмаў пад 2-схільнымі дахамі з тарцовымі трыкутнымі франтонамі. Абапал апсыды месьцяцца 2 рызьніцы. На паліхромным фоне бутавай муроўкі сьценаў вылучаюцца цагляныя атынкаваныя элемэнты архітэктурнага дэкору: аркатурныя пасы, нішы-крыжы, карнізы, кутнія лапаткі, ліштвы аркавых аконных праёмаў і 3 ўваходныя парталы.

Усярэдзіне роўная атынкаваная столь падтрымліваецца 4 слупамі. 3-ярусны драўляны іканастас мае 22 абразы, бела-залацістую афарбоўку^[1].

Галерэя

• Сучасныя здымкі
• 
  Агульны выгляд
• 
  З боку апсыды
• 
  Брама-званіца
• 
  Купель з царквы