Царква Дабравешчаньня Багародзіцы (Забрэзьзе)

Царква Дабравешчаньня Багародзіцы — помнік гісторыі другой паловы XIX сагодзьдзя (мураўёўка) у Забрэзьзі. Знаходзіцца ў цэнтры колішняга мястэчка. Дзее. Твор архітэктуры расейскай эклектыкі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Дабравешчаньня Багародзіцы.

Помнік гісторыі
Царква Дабравешчаньня Багародзіцы
Царква Дабравешчаньня Багародзіцы
Краіна	Беларусь
Вёска	Забрэзьзе
Каардынаты	54°11′15.93″ пн. ш. 26°26′58.74″ у. д.
Канфэсія	Беларуская праваслаўная царква
Эпархія	Маладэчанская япархія[d]
Царква Дабравешчаньня Багародзіцы на мапе Беларусі Царква Дабравешчаньня Багародзіцы
Царква Дабравешчаньня Багародзіцы на Вікісховішчы

Гісторыя

Царква, каля 1900 г.

Мураваную царкву Ўрадавага сыноду Расейскай імпэрыі (Маскоўскай царквы) у Забрэзьзі збудавалі ў 1867 годзе.

За савецкім часам царква не зачынялася.

Архітэктура

Прыклад сынадальнага кірунку эклектычнай царкоўнай архітэктуры Расейскай імпэрыі. Мае сымэтрычна-восевую аб’ёмна-прасторавую кампазыцыю. Складаецца з чатырох частак: 2-яруснай вежы-званіцы (васьмярык на чацьверыку), нізкага бабінца, асноўнага кубападобнага аб’ёму і 5-граннай апсыды. Квадратны ў пляне асноўны аб’ём накрываецца 4-схільным дахам з купалам-цыбулінай у завяршэньні, над гранёным шатром званіцы — таксама купал-цыбуліа. На фоне бутавай муроўкі сьценаў (таўшчыня 1,3 м) вылучаюцца атынкаваныя кутнія лапаткі, просты карніз, ліштвы здвоеных лучковых аконных праёмаў. Кілепадобнымі ліштвамі аздабляюцца аркавыя праёмы другога атынкаванага яруса званіцы. Галоўны ўваход вылучаецца прастакутным парталам з 2-схільным дашкам на фігурных кранштэйнах над ганкам.

Унутраная прастора перакрываецца роўнай стольлю.

Царкоўны пляц атачаецца бутавай агароджай з брамай на восі царквы^[1].