Царква Маці Божай Адзігітрыі (Дзісна)

Царква Маці Божай Адзігітрыі — помнік архітэктуры пачатку XX стагодзьдзя ў Дзісьне. Знаходзіцца ў заходняй частцы места, на могілках. Дзее. Твор архітэктуры «цаглянага» стылю.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Маці Божай Адзігітрыі (неадназначнасьць).

Помнік сакральная архітэктуры
Царква Маці Божай Адзігітрыі
Царква Маці Божай Адзігітрыі
Краіна	Беларусь
Места	Дзісна
Каардынаты	55°34′6.47″ пн. ш. 28°11′56.42″ у. д.
Канфэсія	Беларуская праваслаўная царква
Эпархія	Полацкая япархія
Царква Маці Божай Адзігітрыі на мапе Беларусі Царква Маці Божай Адзігітрыі
Царква Маці Божай Адзігітрыі на Вікісховішчы

Гісторыя

Закладаньне царквы. П. Валынцэвіч, 23 ліпеня 1904 г.

Мураваную могілкавую царкву ў Дзісьне збудавалі ў 1904 годзе.

У 1990-я гады да царквы зрабілі прыбудову з сылікатнай цэглы.

Архітэктура

Помнік архітэктуры «цаглянага» стылю. Прастакутны ў пляне аб’ём пад вальмавым дахам (ад пачатку з гонты) зь 5-граннай апсыдай завяршаецца купалам на 8-гранным барабане. Роўнічныя неатынкаваныя фасады апярэзваюцца карнізам простага профілю з 2-граннымі заломамі на бакавых фасадах, якія рытмічна падзяляюцца аркавымі аконнымі праёмамі з прафіляванымі броўкамі. Уваход вылучаўся рызалітам і кансольным брылем.

Побач з царквой стаіць цагляная 2-ярусная чацьверыковая шатровая званіца з купалам^[1].