Царква Покрыва Багародзіцы (Беніца)

Царква Покрыва Багародзіцы — помнік гісторыі другой паловы XIX стагодзьдзя (мураўёўка) у Беніцы. Знаходзіцца ў цэнтры колішняга мястэчка, на гістарычным Рынку^[a]. Дзее. Твор архітэктуры расейскай эклектыкі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Покрыва Багародзіцы (неадназначнасьць).

Помнік гісторыі
Царква Покрыва Багародзіцы
Царква Покрыва Багародзіцы
Краіна	Беларусь
Вёска	Беніца
Каардынаты	54°20′50″ пн. ш. 26°33′17″ у. д.
Канфэсія	Беларуская праваслаўная царква
Эпархія	Маладэчанская япархія[d]
Архітэктурны стыль	эклектыка
Царква Покрыва Багародзіцы на мапе Беларусі Царква Покрыва Багародзіцы
Царква Покрыва Багародзіцы на Вікісховішчы

Гісторыя

Царква ў панараме мястэчка з боку Бенічанкі. Б. Тамашэвіч, 1896 г.

Царква, каля 1900 г.

Мураваную царкву Ўрадавага сыноду Расейскай імпэрыі (Маскоўскай царквы) у Беніцы збудавалі ў 1886 годзе.

У 1948 годзе савецкія ўлады зачынілі царкву. У 1990-я гады будынак перадалі Беларускаму экзархату Маскоўскага патрыярхату і адрамантавалі.

Архітэктура

Прыклад эклектычнай царкоўнай архітэктуры Расейскай імпэрыі. Гэта кампактавы прастакутны ў пляне аб’ём пад 2-схільным дахам з купалам-цыбулінай на 8-гранным барабане. Вось сымэтрыі галоўнага фасада вылучаецца прастакутным уваходным праёмам, паўкруглай і круглай люкарнамі над ім. Роўнічныя бакавыя фасады рытмічна падзяляюцца высокімі аркавымі праёмамі. Бутавая муроўка стварае маляўнічы фон сьценаў, на якім вылучаюцца атынкаваныя і пабеленыя элемэнты архітэктурнага дэкору (ліштвы праёмаў, кутнія лапаткі, карнізы).

Ва ўнутранай прасторы тонкімі перагародкамі вылучаюцца прытвор і апсыда з бакавымі рызьніцамі. На 2-прыступкавую салею уздымаецца 3-гранны іканастас^[1].

Галерэя

• Сучасныя здымкі
• 
  Агульны выгляд
• 
  Галоўны фасад
• 
  Бакавы фасад

Заўвагі

1. Цяперашні афіцыйны адрас — вуліца Зялёная, 1А