Царква Покрыва Багародзіцы (Койданаў)

Царква́ По́крыва Багаро́дзіцы — помнік гісторыі другой паловы XIX стагодзьдзя (мураўёўка) у Койданаве. Знаходзіцца ў цэнтры места, на рагу гістарычных Станькаўскай і Слуцкай вуліц^[a]. Дзее. Твор архітэктуры расейскай эклектыкі.

Помнік гісторыі
Царква Покрыва Багародзіцы
Пакроўская царква
Краіна	Беларусь
Места	Койданаў
Каардынаты	53°41′4.79″ пн. ш. 27°7′57.51″ у. д.
Канфэсія	Беларуская праваслаўная царква
Эпархія	Маладэчанская япархія[d]
Сайт	pokrov-hram.by
Царква Покрыва Багародзіцы на мапе Беларусі Царква Покрыва Багародзіцы
Царква Покрыва Багародзіцы на Вікісховішчы

Гісторыя

Паводле гісторыка архітэктуры Анатоля Кулагіна^[1], мураваную царкву Ўрадавага сыноду Расейскай імпэрыі (Маскоўскай царквы) у Койданаве збудавалі ў 1851 годзе на расейскія дзяржаўныя сродкі.

Архітэктура

Царква, 1941—1944 гг.

Прыклад эклектычнай царкоўнай архітэктуры Расейскай імпэрыі. Гэта манумэнтальны аб'ём, да якога падоўжнай восьсю далучаецца прастакутная ў пляне апсыда і прытвор. Асноўны аб'ём завяршаецца 4-гранным драўляным сьветлавым барабанам з шатровым верхам і купалам-цыбулінай, з кутоў — невялікімі купаламі-цыбулінамі. Галоўны і бакавыя ўваходы маюць выгляд аркавых праёмаў. Кутнія шырокія лапаткі завяршаюцца кілепадобнымі аркавымі з круглымі разеткамі ў тымпанах. На палову вышыні фасады руставаныя, у верхняй частцы праразаюцца аркавымі аконнымі праёмамі і дэкаруюцца кілепадобнымі ліштвамі з гіркамі.

Усярэдзіне заля перакрываецца крыжовымі скляпеньнямі і асьвятляецца вокнамі барабана, які праз скляпеністыя ветразі падтрымліваецца 4 слупамі і перакінутымі цераз іх аркамі. Слупы злучаюцца зь сценамі і паміж сабой магутнымі аркамі. Над уваходам месьцяцца адкрытыя ў залю вузкім аркавым праёмам хоры, на якія вядуць сходы авальнай бакавой клеці 1-га яруса званіцы. Апсыда вылучаецца 2-ярусным пабеленым іканастасам з пазалочанымі рамамі 7 абразоў. У царкве захоўваецца абраз XVI—XVII стагодзьдзяў «Маці Божая», прывезены з царквы вёскі Тонава.

Галерэя

Гістарычныя здымкі

• Старыя здымкі
• 
  1897 г.
• 
  сакавік 1918 г.
• 
  сакавік 1918 г.

• 
  1918 г.
• 
  1941 г.
• 
  1941 г.

Сучасныя здымкі

• Сучасны стан
• 
  Агульны выгляд
• 
  Галоўны фасад
• 
  Сходы

Заўвагі

1. Цяперашні афіцыйны адрас — вуліца Карла Маркса, 1