Царква Праабражэньня Гасподняга (Лагішын)

Царква́ Праабражэ́ньня Гаспо́дняга^[a] — помнік гісторыі другой паловы XIX стагодзьдзя (мураўёўка) у Лагішыне. Знаходзіцца ў цэнтры мястэчка, на гістарычным Рынку^[b]. Дзее. Твор архітэктуры расейскай эклектыкі. Аб’ект Дзяржаўнага сьпісу гістарычна-культурных каштоўнасьцяў Беларусі.

Помнік гісторыі
Царква Праабражэньня Гасподняга
Спаская царква
Краіна	Беларусь
Мястэчка	Лагішын
Каардынаты	52°20′19.31″ пн. ш. 25°59′13.23″ у. д.
Канфэсія	Беларуская праваслаўная царква
Эпархія	Пінская япархія
Архітэктурны стыль	псэўдарускі стыль[d]
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Царква Праабражэньня Гасподняга на мапе Беларусі Царква Праабражэньня Гасподняга
Царква Праабражэньня Гасподняга на Вікісховішчы

Утварае адзіны ансамбль з 4-граннай шатровай капліцай у імя Аляксандра Неўскага.

Гісторыя

Мураваную царкву Ўрадавага сыноду Расейскай імпэрыі (Маскоўскай царквы) у Лагішыне збудавалі ў 1892 годзе замест драўлянай царквы Сьвятога Пасаду.

Архітэктура

Прыклад эклектычнай царкоўнай архітэктуры Расейскай імпэрыі. Мае 4-часткавую аб’ёмна-прасторавую кампазыцыю, якая складаецца з званіцы, трапезнай, малітоўнай залі і апсыды. Вэртыкальнай дамінантай выступае ўзьведзеная над прытворам 2-ярусная (васьмярык на чацьверыку) шатровая званіца з купалам-цыбулінай у завяршэньні. Пяць купалоў-цыбулінаў таксама завяршаюць 4-схільны дах асноўнага кубападобнага аб’ёму. Галоўны і бакавыя ўваходы вылучаюцца магутнымі парталамі і апярэзваюцца 3-лопасьцевымі аркавымі нішамі. Гэты дэкаратыўны матыў выкарыстоўваецца і ў абрамленьні адзінарных і строеных аркавых аконных праёмаў. Фасады падзяляюцца прафіляванымі карнізамі з 2-граннымі заломамі на бакавых сьценах, руставанымі ліштвамі вокнаў, цягамі і філёнгамі.

Унутраныя памяшканьні шырокімі прасьветамі адкрываюцца ў цэнтральную кубападобную залю^[1].

Галерэя

• Гістарычныя здымкі
• 
  Ф. Драздоўскі, 1924—1932 гг.
• 
  да 1939 г.
• 
  да 1939 г.
• 
  да 1939 г.

Заўвагі

1. Назва царквы прыводзіцца паводле афіцыйнага тытулу Маскоўскага патрыярхату (рас. Церковь Преображения Господнего, Спасо-Преображенская церковь), тым часам беларускай гістарычнай традыцыі адпавядае назва царква Сьвятога Спаса або Спаская царква
2. Цяперашні афіцыйны адрас — вуліца Леніна, 57'.