Царква Раства Багародзіцы (Гомель)

Царква Раства Багародзіцы — помнік архітэктуры канца XIX стагодзьдзя ў Гомлі. Знаходзіцца пасярод колішніх Новікаўскіх могілак (сучасны Студэнцкі сквэр), на гістарычнай Прабойнай вуліцы^[a]. Твор архітэктуры мадэрну. За савецкім часам царкву зачынілі і часткова зруйнавалі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Раства Багародзіцы (неадназначнасьць).

Помнік сакральнай архітэктуры
Царква Раства Багародзіцы
Царква Раства Багародзіцы, аўтэнтычны выгляд
Краіна	Беларусь
Места	Гомель
Каардынаты	52°26′48.93″ пн. ш. 30°59′52.61″ у. д.
Канфэсія	каталіцтва
Эпархія	Пінская дыяцэзія
Архітэктурны стыль	нэаготыка
Дата заснаваньня	1990
Сайт	Афіцыйны сайт
Царква Раства Багародзіцы на мапе Беларусі Царква Раства Багародзіцы
Царква Раства Багародзіцы на Вікісховішчы

З 2000 году ў рэканструяваным будынку царквы дзее касьцёл Нараджэньня Найсьвяцейшай Панны Марыі.

Гісторыя

Мураваную могілкавую царкву Ўрадавага сыноду Расейскай імпэрыі (Маскоўскай царквы) у Гомлі збудавалі ў 1896 годзе. Новікаўскія могілкі лічыліся праваслаўнымі, але тут хавалі таксама каталікоў. Таксама на могілках побач з царквой стаяла каталіцкая капліца.

За савецкім часам царкву зачынілі, а па 1937 годзе разабралі яе вежы. У Другую сусьветную вайну ў царкве праходзілі каталіцкія набажэнствы. Па вайне савецкія ўлады выкарыстоўвалі будынак царквы як пункт кінапракату, потым ў ім разьмяшчаліся мастацкія майстэрні.

20 лютага 1990 году мескія ўлады Гомля перадалі будынак царквы каталікам, тут пачала дзеяць капліца. Увосень 1991 году праводзіўся рамонт будынка, а ў 1994 годзе пачалася яго рэканструкцыя (будынак царквы стаў трансэптам касьцёла). 9 сьнежня 2000 году касьцёл Нараджэньня Найсьвяцейшай Панны Марыі асьвяціў кардынал Казімер Сьвёнтак.

Архітэктура

Помнік архітэктуры мадэрну. Па рэканструкцыі мае разьвітую дынамічна-асымэтрычную аб’ёмна-прасторавую кампазыцыю, у аснове якой працяглы нэф пад 2-схільным дахам, які пераходзіць у шатровы над 3-граннай апсыдай. Да фасада далучаецца 5-ярусная 4-гранная шатровая вежа-званіца. Другая 2-ярусная 4-гранная шатровая вежа ўзвышаецца над кутом злучэньня працяглага крыла трансэпта і апсыды^[1].

Галерэя

Гістарычныя здымкі

• Старыя здымкі
• 
  1911 г.
• 
  А. Арцем'еў, 1937 г.
• 
  А. Арцем'еў, 1937 г.
• 
  А. Арцем'еў, 1937 г.

Сучасныя здымкі

• Сучасны стан
• 
  Агульны выгляд
• 
  З боку апсыды
• 
  Усярэдзіне
• 
  Былыя могілкі

Заўвагі

1. Цяперашні афіцыйны адрас — вуліца Савецкая, 118