Царква Сьвятога Мікалая (Іказьнь)

Царква Сьвятога Мікалая — помнік гісторыі пачатку XX стагодзьдзя (мураўёўка) у Іказьні. Знаходзіцца ў цэнтры колішняга мястэчка. Дзее. Твор архітэктуры расейскай эклектыкі. Аб’ект Дзяржаўнага сьпісу гістарычна-культурных каштоўнасьцяў Беларусі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Сьвятога Мікалая.

Помнік гісторыі
Царква Сьвятога Мікалая
Царква Сьвятога Мікалая
Краіна	Беларусь
Вёска	Іказьнь
Каардынаты	55°37′16.9″ пн. ш. 27°15′30.44″ у. д.
Канфэсія	Беларуская праваслаўная царква
Эпархія	Полацкая япархія
Архітэктурны стыль	псэўдарускі стыль[d]
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Царква Сьвятога Мікалая на мапе Беларусі Царква Сьвятога Мікалая
Царква Сьвятога Мікалая на Вікісховішчы

Гісторыя

Царква, да 1939 г.

Мураваную царкву Ўрадавага сыноду Расейскай імпэрыі (Маскоўскай царквы) у Іказьні збудавалі ў 1905 годзе на месцы драўлянай царквы.

Архітэктура

Прыклад эклектычнай царкоўнай архітэктуры Расейскай імпэрыі. 3-часткавая аб’ёмна-прасторавая кампазыцыя складаецца з прытвора-званіцы, малітоўнай залі і 5-граннай апсыды. Асноўны кубападобны аб’ём мае другі нізкі квадратны ў пляне ярус, 4-схільны пакаты дах якога завяршаецца купалам-цыбулінай на 8-гранным барабане. Надбудаваная над прытворам 2-ярусная (васьмярык на чацьверыку) званіца завяршаецца шатром з купалам-цыбулінай. Аркавы ўваходны праём вылучаецца 2-гранным парталам на калёнках. Архітэктурны дэкор улучае аркатурныя пасы, плястычныя ліштвы аркавых аконных праёмаў, кутнія калёнкі, прафіляваныя карнізы на сухарыках^[1].