Царква Сьвятога Мікалая (Старыя Габы)

Царква Сьвятога Мікалая — праваслаўны храм у в. Старыя Габы Мядзельскага раёну Менскай вобласьці.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Сьвятога Мікалая.

Помнік гісторыі
Царква Сьвятога Мікалая
Мікалаеўская царква
Краіна	Беларусь
вёска	Старыя Грабы
Каардынаты	54°52′49″ пн. ш. 27°16′28″ у. д.
Канфэсія	Беларуская праваслаўная царква
Эпархія	Маладэчанская япархія[d]
Будаваньне	???—1905 гады
Царква Сьвятога Мікалая на мапе Беларусі Царква Сьвятога Мікалая
Царква Сьвятога Мікалая на Вікісховішчы

Гісторыя

Разьмешчана ў цэнтры вёскі. Пабудавана ў 1905 годзе з бутавага каменю і цэглы. Да 1990-х гадоў ня дзейнічала.

Архітэктура

Вокны

Царква з боку апсіды

Помнік архітэктуры рэтраспектыўна-расейскага стылю. Храм традыцыйнай чатырохчасткавай падоўжна-восевай кампазыцыі: двух’ярусная (васьмярык на чацьверыку) шатровая званіца, прамавугольная трапэзная, кубападобны асноўны аб’ём, пяцігранная апсіда. Чатырохсхільны дах асноўнага аб’ёму завершаны маляўнічым 5-купальлем (цыбулепадобныя галоўкі на васьмігранных барабанах), якое ўзбагачаюць макаўкі званіцы і апсіды. Эстэтычны эфэкт дасягаецца і высакаякаснай муроўкай сьцен з цёсаных блёкаў вапняку, выкладкай імі арачнага парталу галоўнага ўваходц і вуглавых рустаў. Цаглянай муроўкай выкладзены прафіляваныя карнізы з гарадкамі і ліштвы арачных аконных праёмаў.

Літаратура

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с 2000 экз. ISBN 978-985-11-0389-4

Вонкавыя спасылкі

• Царква Сьвятога Мікалая  (рас.), Глёбус Беларусі
• Царква Сьвятога Мікалая , Radzima.org