Царква Сьвятога Мікалая (Суднікі)

Царква́ Сьвято́га Мікала́я — праваслаўны храм у в. Суднікі Вялейскага раёну Менскай вобласьці. Зьяўляецца прыпісным да прыходу Покрыва Найсьвяцейшай Багародзіцы ў мястэчку. Вязынь.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Сьвятога Мікалая.

Царква
Царква Сьвятога Мікалая
Краіна	Беларусь
Вёска	Суднікі
Каардынаты	54°27′4″ пн. ш. 27°14′6″ у. д.
Канфэсія	Праваслаўная
Эпархія	Маладэчанская
Архітэктурны стыль	Беларускае народнае дойлідзтва
Будаваньне	1980—1982 гады
Стан	дзейная
Царква Сьвятога Мікалая на мапе Беларусі Царква Сьвятога Мікалая
Царква Сьвятога Мікалая на Вікісховішчы

Настаяцель: протаіерэй Міхаіл Чурыла^[1], настаяцель храма Сьвята-Усьпенская царквы ў аг. Вязынь.

Гісторыя

Сьвята-Мікалаеўская царква ў Судніках

Пабудавана з дрэва, на старадаўніх вясковых могілках. Папярэднюю драўляную царкву разабралі ў 1960-ых гг. і пабудавалі зь яе ўласны дом^[2]. Сучасны будынак стаіць у невялікай адлегласьці ад старога падмурку. Будаўніцтва пачалося ў 1980 годзе, а скончылася ў 1982 годзе; вялося на сродкі мясцовых вернікаў з удзелам айца Георгія з Ільянскай царквы. Ініцыятарам і будаўніком быў Іван Лашутка з братамі Грыгорыем і Ігнатам (жыхары суседняй в. Баяры).

Архітэктура

Твор народнага дойлідзтва. Прамавугольны ў пляне аб’ём пад двусхільным дахам з вальмай над алтарнай часткай. Чатырохгранны барабан над апсідай завершаны цыбулепадобнай галоўкай. Да фасаду далучаны прытвор з дошак. Аздоблена вэртыкальнай шалёўкай, пафарбаванай у сіні колер.