Царква Сьвятога Міхала Арханёла (Скідзель)

Царква́ Сьвято́га Міха́ла Арханёла — помнік архітэктуры сярэдзіны XIX стагодзьдзя ў Скідзелі. Знаходзіцца ў ўсходяй частцы места, на могілках пад адрасам завулак Усходні, 3. Дзее. Твор традыцыйнай беларускай драўлянай архітэктуры, мастацкае аблічча якога пацярпела ад маскоўскай перабудовы.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Сьвятога Міхала Арханёла (неадназначнасьць).

Помнік сакральнай архітэктуры
Царква Сьвятога Міхала Арханёла
Краіна	Беларусь
Места	Скідзель
Каардынаты	53°35′26.35″ пн. ш. 24°15′28.60″ у. д.
Канфэсія	Беларуская праваслаўная царква
Эпархія	Гарадзенская і Ваўкавыская япархія[d]
Архітэктурны стыль	псэўдарускі стыль[d]
Царква Сьвятога Міхала Арханёла на мапе Беларусі Царква Сьвятога Міхала Арханёла

Гісторыя

Драўляную могілкавую царкву ў Скідзенлі збудавалі ў 1851 годзе. У канцы XX ст. царкву перабудавалі і абклалі цэглай.

Архітэктура

Помнік традыцыйнай беларускай драўлянай архітэктуры, мастацкае аблічча якога пацярпела ад маскоўскай перабудовы. Складаецца з двух прастакутных у пляне аб’ёмаў: працяглай трапезнай і кубападобнай малітоўнай залі. Франтальны фасад завяршаецца трыкутным франтонам з драўлянай 8-граннай шатровай званіцай над ім. Над алтарнай часткай узвышаецца 8-гранны купальны барабан. Уваход вылучаецца аркавым 2-слуповым рундуком. Фасады рытмічна падзяляюцца аркавымі аконнымі праёмамі і нішамі з крыжамі.

У інтэр’еры абразы мяжы XVIII—XIX ст. «Маці Божая Чанстахоўская» і «Прарок Давід»^[1].