Царква Сьвятога Спаса (Гарадзея)

Царква Сьвятога Спаса^[a] — помнік архітэктуры XIX стагодзьдзя ў Гарадзеі. Знаходзіцца за 1 км на поўначы ад мястэчка, ува ўрочышчы Урванце, каля шашы Нясьвіж — Мір. Дзее. Твор архітэктуры клясыцызму, мастацкае аблічча якога пацярпела ад надбудовы купалоў-цыбулінаў.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Сьвятога Спаса.

Помнік сакральнай архітэктуры
Царква Сьвятога Спаса
Спаская царква, аўтэнтычны выгляд
Краіна	Беларусь
Мястэчка	Гарадзея
Каардынаты	53°30′17.63″ пн. ш. 26°31′12.32″ у. д.
Канфэсія	Беларуская праваслаўная царква
Эпархія	Слуцкая япархія[d]
Дата заснаваньня	XIX ст.
Царква Сьвятога Спаса на мапе Беларусі Царква Сьвятога Спаса
Царква Сьвятога Спаса на Вікісховішчы

Утварае адзіны ансамбль з мураванай званіцай.

Гісторыя

Спаская царква па маскоўскай перабудове

Царкву ў Гарадзеі збудавалі ў 1808 або 1869 годзе^[1]. У 1990-я гады ў выніку рэканструкцыі над царквой і званіцай паставілі маскоўскія купалы-цыбуліны, апроч таго, да царквы прыбудавалі прытвор, накрыты высокім шатром, а сам будынак абклалі новай чырвонай цэглай.

Архітэктура

Помнік архітэктуры клясыцызму. Гэта прастакутны ў пляне аб’ём пад высокім 2-схільным дахам з вальмамі над 2-граннай апсыдай. Фасады падзяляюцца прастакутнымі аконнымі праёмамі^[2]. У выніку перабудовы над апсыдай паставілі купал-цыбуліну, а да фасада далучылі прытвор, завершаны 8-граннай шатровай званіцай.

Заўвагі

1. Назва помніка архітэктуры прыводзіцца паводле беларускай гістарычнай традыцыі. Афіцыйны тытул Маскоўскага патрыярхату: «Царква Праабражэньня Гасподняга» або «Спаса-Праабражэнская царква» (рас. Церковь Преображения Господнего, Спасо-Преображенская церковь); таксама Спаская царква