Царква Сьвятога Сімяона Стоўпніка (Малеч)

Царква́ Сьвято́га Сімяо́на Сто́ўпніка — помнік гісторыі другой паловы XIX стагодзьдзя (мураўёўка) у Малечы. Знаходзіцца ў цэнтры колішняга мястэчка, на гістарычным Рынку^[a]. Дзее. Твор архітэктуры расейскай эклектыкі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Сьвятога Сімяона Стоўпніка (неадназначнасьць).

Помнік гісторыі
Царква Сьвятога Сімяона Стоўпніка
Царква Сьвятога Сімяона Стоўпніка
Краіна	Беларусь
Вёска	Малеч
Каардынаты	52°29′03.56″ пн. ш. 24°42′22.92″ у. д.
Канфэсія	Беларуская праваслаўная царква
Эпархія	Берасьцейская і Кобрынская япархія
Архітэктурны стыль	псэўдарускі стыль[d]
Аўтар праекту	Пётар Залатароў[d]
Царква Сьвятога Сімяона Стоўпніка на мапе Беларусі Царква Сьвятога Сімяона Стоўпніка
Царква Сьвятога Сімяона Стоўпніка на Вікісховішчы

Гісторыя

Царква, 1939 г.

Мураваную царкву Ўрадавага сыноду Расейскай імпэрыі (Маскоўскай царквы) у Малечы збудавалі ў 1887 годзе паводле праекту 1880 году расейскага архітэктара Пятра Залатарова.

Архітэктура

Прыклад сынадальнага кірунку эклектычнай царкоўнай архітэктуры Расейскай імпэрыі. Мае падоўжна-восевую сымэтрычную 4-часткавую аб’ёмна-прасторавую кампазыцыю: 2-ярусная (васьмярык на чацьверыку) званіца, прастакутныя ў пляне рознавялікія аб’ёмы трапезнай, малітоўнай залі з бакавымі прыдзеламі, апсыды. 4-схільны дах цэнтральнага аб’ёму і плястычны купал званіцы завяршаюцца купаламі-цыбулінамі на 8-гранных барабанах, фасады падзяляюцца аркавымі аконнымі праёмамі з броўкамі, дэкаруюцца кутнім рустам, апярэзваюцца карнізам простага профілю і шырынкавым фрызам.

У інтэр’еры апсыда вылучаецца драўляным іканастасам. Захоўваюцца абразы: XVII ст. — «Сімяон Стоўпнік», разьмешчаны ў мясцовым радзе іканастаса; XVIII — XIX ст. — «Пячэрская Маці Божая Знаменьне з прадстаячымі», «Пакроў», «Натальля і Аляксей — людзі Божыя», «Мікалай Цудатворца», «Сьвятыя Пётар і Павал», «Першасьвятар Аарон», «Тры сьвяціцелі» (1801), «Архідыякан Стэфан», «Таемная вячэра», скульптура «Укрыжаваньне» (1859). У 1895 годзе прыхаджане ахвяравалі царкве 2 абразы сьвятых Юрыя Пераможцы і Ганны, маці Найсьвяцейшай Багародзіцы.

Перад царквой месьціцца 3-пралётная аркавая брама, завершаная кілепадобным шчыпцом з купалам-цыбулінай. З паўночнага боку ад апсыды асобна стаіць цагляная цэнтрычная, квадратная ў пляне шатровая капліца, таксама завершаная купалам-цыбулінай^[1].

Заўвагі

1. Цяперашні афіцыйны адрас — плошча Свабоды, 10.